டைகரூவின் குளியலறை சாகசம்!

இன்று டைகரூ குளிக்க ஆசைப்பட்டது.

- அல்கா ஜெயின்

எனவே அவசர அவசரமாக குளியலறைக்குள் நுழைந்தது. அங்கு சென்றதும் வெளியில் வர மனமில்லை. இந்த நிலையில் டம்பி குரங்கு கதவுக்கு வெளியே நீண்ட நேரம் பொறுமையின்றி காத்திருந்தது.

திடீரென அது, “டைகர். குளிக்க ஏன் இவ்வளவு நேரம்? எங்களுக்கு தாமதமாகிறது. ஜாபி ஒட்டகச்சிவிங்கி ஏற்கனவே காரை ஸ்டார்ட் செய்து தயாராக இருக்கிறது. நாம் காட்டுக்கு ஆய்வு செய்ய போக வேண்டாமா?” என்று கத்தியது. உள்ளே, உள்ளே, டைகர் ஷாம்பு நுரைக்குள் ஆசை தீர குளித்தது. ஷவரின் சத்தம் மிகவும் சத்தமாக இருந்ததால் டம்பி குரங்கு பேசியது ஒரு வார்த்தை கூட காதில் விழவில்லை. மிக சோம்பேறியாக பதிலளித்தது.

“நீ என்ன வேணும்னாலும் செய். எனக்கு இன்னும் கொஞ்சம் டைம் வேணும்.” என அது கூறவே டம்பி கொஞ்சம் அப்செட்டாகி விட்டது! உடனே டம்பி தன் நோட்டுப் புத்தகத்தை எடுத்துக்கொண்டு ஜீப்பை நோக்கி ஓடியது. அப்போது, “ஜாபி இன்னைக்கு நாம மட்டும்தான் காட்டுக்கு போறோம்.. டைகரூ கொஞ்சம் டைம் எடுத்துக் கொள்வேன்னு சொல்லுது” என்று கூறியது.

ஜாபி தலையசைத்து வேகமாக வண்டியை ஓட்டியது. ஒரு வழியாக டைகரூ தன் நீண்ட குளியலை முடித்துவிட்டு மகிழ்ச்சியுடன் பெருமூச்சு விட்டது! திடீரென்று, அதற்கு மூச்சுத் திணறல் ஏற்பட்டது.

கண்ணை மூடிக்கொண்டு ஷவரை இன்னும் வேகமாக ஆன் செய்தது. இந்த நிலையில் அதன் கால்களில் ஏதோ விசித்திரமாக உணர்ந்தது.

“இது என்ன? தண்ணீர் என் முழங்கால்களை எட்டிவிட்டது! நான் ஒரு குளத்தில் குளிக்கிறேனா?” என்றபடி கீழே பார்த்தது. அப்போது தண்ணீர் செல்லும் வழி முழுவதுமாக அடைக்கப்பட்டிருந்தது.

எனவே அதை சரி செய்ய காலால் முயற்சி செய்தது. ஆனால் எதுவும் செய்ய முடியவில்லை. வடிகால் இறுக்கமாக அடைக்கப்பட்டிருந்தது. இப்போது அதற்கு பெரும் கவலை ஏற்பட்டது. உடனே தண்ணீர் வரும் ஷவரை அணைக்க முயன்றது. ஆனால் ஷவர் குமிழ் அசையவில்லை.