പുരം വെടിക്കെട്ടുമേളംതന്നെ

തൃശൂർ പൂരം വെടിക്കെട്ടു മറ്റു വെടിക്കെട്ടുപോലെ വെറുതെ കരിമരുന്നു നിറച്ചു കൊളുത്തലല്ല. അതു ചിട്ടപ്പെടുത്തിയതു മേളവുമായി അടുത്ത ബന്ധമുള്ള ഏതോ കലാകാരൻ തന്നെയാണ്. മേളത്തിനൊരു ക്രമമുണ്ട്. പിരമിഡ് പോലെ താഴെ നിന്നു കൊട്ടി മുകളിലേക്കു കയറുംതോറും നേർത്തുവരികയും അവസാനം ഒരു ബിന്ദുവിൽ കലാശിക്കുകയും ചെയ്യുന്നതാണത്. വെടിക്കെട്ടും അതുപോലെയാണ്.

-  തയാറാക്കിയത്: ഉണ്ണി കെ.വാരിയർ

തുടക്കത്തിൽ രണ്ടോ മൂന്നോ ഗുണ്ടുകളിലാണ് തുടങ്ങുക. അതിനുശേഷം കുഴിമിന്നലുകൾ കൂടിചേരും. ഗുണ്ടും കുഴിമിന്നലും കുഴിലിട്ടു തീകൊളുത്തി മുകളിൽ പോയി പൊട്ടുന്ന വലിയ പടക്കങ്ങളാണ്. ഗുണ്ടു ചെറുതും കുഴിമിന്നൽ വലുതുമാണ്. ഇതിലും വലുപ്പം കൂടിയാൽ ഡെനയായി. 3 ഇഞ്ചു മുതൽ മുകളിലേക്കു വ്യാസമുള്ളവയാണു ഡെനകൾ. സാധാരണ ഔദ്യോഗികമായി ഇത് 10 ഇഞ്ച് വരെ വലœ