ഓർക്കിഡ് ഒരുക്കിയ വസന്തം

ഒരൊറ്റ പൂച്ചെടിയിനത്തിലൂടെ പൂവിട്ടത് ഒന്നാന്തരമൊരു സംരംഭവും ജീവിതവും

- ജോബി ജോസഫ്

ജീവിതത്തിൽ പിന്നിട്ട വഴിയിലേക്കു തിരിഞ്ഞു നോക്കുമ്പോൾ ആഹ്ലാദവും അഭിമാനവും അമ്പരപ്പുമെല്ലാമുണ്ട് റീനയ്ക്ക്. ഒരു പൂച്ചെടി ജീവിതത്തിൽ വരുത്തിയ മാറ്റം അത്ര വലുതാണ്. 15 വർഷത്തിനപ്പുറം സ്വന്തമായി ഒരു രൂപ പോലും വരുമാനമില്ലാത്തൊരു വീട്ടമ്മയായിരു ന്നു റീന. ഭർത്താവിന്റെ ചെറിയ ജോലി കൊണ്ടു മാത്രം ഒരുവിധം കഴിഞ്ഞുപോയിരുന്ന കുടുംബം. എന്നാൽ, ഇന്നു സംസ്ഥാനത്തെ മുൻനിര ഓർക്കിഡ് സംരംഭകയാണ് റീന. കോട്ടയം ജില്ലയിൽ ചങ്ങനാശേരി പായിപ്പാട് ശാന്തിഹിൽ സ ഏയ്ഞ്ചൽസ് ഗാർഡന്റെ ഉടമ റീന കെന്നിയുടെ വാർഷിക വിറ്റുവരവ് ഒരു കോടി രൂപയിലേറെ വരും. 2 കാര്യങ്ങളാണ് റീനയുടെ വിജയത്തിന് ആധാരം. ഒന്ന്, ആഗ്രഹിച്ച സംരംഭം സാക്ഷാത്കരിക്കാൻ കാണിച്ച ഇച്ഛാശക്തി. രണ്ട്, ഓർക്കിഡിന്റെ വരുംകാല സാധ്യതകൾ തിരിച്ചറിഞ്ഞ ദീർഘദൃഷ്ടി.