കളനിയന്ത്രണം കളിയല്ല ഉഴവിൽ തന്നെ തീർക്കണം

കളനിയന്ത്രണത്തിനു പുതയും രാസ കളനാശിനികളും

- പ്രമോദ് മാധവൻ അസി. ഡയറക്ടർ, കൃഷിവകുപ്പ് ഫോൺ: 9496769074

കൃഷിയിൽ കർഷകന്റെ പ്രധാന ശത്രുവാണ് കള. പലപ്പോഴും കളകൾ വളങ്ങൾ വലിച്ചെടുത്ത് വളർച്ച മുരടിപ്പിക്കുന്നതാണ് 20-25% വിളനഷ്ടത്തിനും കാരണം. എവിടെ വെയിലും വെള്ളവും വളവും ഉണ്ടോ, അവിടെ ചെടികൾ താനേ വളർന്നുവരും. അതാണ് പ്രകൃതി നിയമം. ചെടികൾ വളർന്നില്ലെങ്കിൽ മണ്ണിൽ വെയിൽ നേരിട്ടു പതി ക്കുകയും മണ്ണിലെ ജലാംശം നഷ്ടപ്പെടുകയും മണ്ണിലെ സൂക്ഷ്മജീവികൾ ഇല്ലാതാവുകയും ചെയ്യും. അത് പ്രകൃതി ആഗ്രഹിക്കുന്നില്ല. ഒന്നുകിൽ കള അല്ലെങ്കിൽ വിള. "ക ക്കുള്ളവൻ കാര്യക്കാരൻ', അത്രതന്നെ.

കള എന്നാൽ എന്താണ്? തനിക്ക് അർഹതയില്ലാത്ത സ്ഥലത്തു വളരുന്ന ഏതു ചെടിയും കളയാണെന്നു പറയാം. വീട്ടിലെ ചെടിച്ചട്ടിയിൽ കയ്യുന്നി ഔഷധച്ചെടിയാണ്. പക്ഷേ നെൽപ്പാടത്ത് അത് കളയാണ്. വിളകളെ അപേ ക്ഷിച്ച് കളകൾക്ക് അതിജീവനശേഷി (Survival traits) കൂടും. അതിനു പല കാരണങ്ങളുണ്ട്. അവയുടെ വിത്തുകൾ മുളശേഷി (germination ability) നഷ്ടമാകാതെ ദീർഘകാലം മണ്ണിനടിയിൽ കിടക്കും. വെള്ളക്കെട്ടിനെയും വരൾച്ചയെയും ചെറുക്കാൻ മിടുക്ക് കൂടും. കീട, രോഗബാധ വളരെക്കുറവാണ്. മാത്രമല്ല, അപ കടകാരികളായ കീടങ്ങളുടെയും രോഗകാരികളുടെയും വാഹകരായും (Carriers) അവർ മാറും. വേരുപടലം സുശ ക്തമായതിനാൽ കൂടുതൽ വെള്ളവും വളവും വലിച്ചെടുത്ത് വിളയെക്കാൾ മുൻപേ മണ്ണിൽ നിലയുറപ്പിക്കും. കളകൾക്ക് ആയിരക്കണക്കിന് വിത്തുകൾ ഉൽപാദിപ്പിക്കാൻ കഴിയും. അത് കാറ്റ് വഴിയും വെള്ളം വഴിയും പശുവിന്റെ വയറ്റിലൂടെ ചാണകം വഴിയും കൃഷിയിടങ്ങളിൽ എത്തും. വേരിന്റെയോ തണ്ടിന്റെയോ ഭാഗം അൽപമെങ്കിലും മണ്ണിൽ കിടന്നാൽ അതിൽനിന്നു പിടിച്ചു വളർന്ന് കയറും. ദുഷ്ടനെ ദൈവം പനപോലെ വളർത്തുമെന്നാണല്ലോ!

കള നല്ലതുമാണ്.