കൊതിയൂറും വിഭവങ്ങൾ

ചെമ്മീൻ സോൾട്ട് ആൻഡ് പെപ്പർ

- സുരേഷ് പിള്ള

ചേരുവകൾ

ചെമ്മീൻ 8 എണ്ണം, മൈദ ആവശ്യത്തിന്, കുരുമുളകുപൊടി ഒരു ടീസ്പൂൺ, ഉണക്ക മുളക് 3 എണ്ണം, സൺഫ്ലവർ ഓയിൽ 3 ടേബിൾ ടീസ്പൂൺ, വെളുത്തുള്ളി 6 അല്ലി, സവാള 2 എണ്ണം, സെലറി 10 ഗ്രാം, ഉപ്പ് പാകത്തിന്, ഉള്ളിയില (സ്പ്രിങ് ഒനിയൻ)100..

തയാറാക്കുന്ന വിധം

ചെമ്മീൻ വൃത്തിയാക്കി പേപ്പറിലോ തുണിയിലോ ഇട്ടു നല്ലപോലെ വെള്ളം തുടച്ചുമാറ്റുക. ശേഷം മൈദയിൽ മുക്കി (ഉപ്പ്ചേർക്കേണ്ടതില്ല) ക്രിസ്പി ആയി പൊരിച്ചെടുക്കുക. കുരുമുളകും ഉണക്കമുളകും മിക്സിയുടെ ജാറിൽ ചതച്ചെടുക്കുക.

പാനിൽ ഓയിൽ ഒഴിച്ച് ചെറുതായി അരിഞ്ഞ വെളുത്തുള്ളി ഇട്ടു വഴറ്റി ബ്രൗൺ നിറമാകുമ്പോൾ ചെറുതായി അരിഞ്ഞ സവാളയും സെലറിയും ചേർത്ത് വീണ്ടും വഴറ്റണം. അതിനുശേഷം പൊരിച്ച ചെമ്മീൻ ചേർത്തിളക്കി ക്രഷ് ചെയ്ത മസാലയും ഉപ്പും ഇട്ടു യോജിപ്പിക്കുക. ഇതിൽ ചെറുതായി അരിഞ്ഞ സിങ് ഒണിയനും ചേർത്ത് മാറ്റാവുന്നതാണ്.