റോഡ് ഉണ്ടായാൽ പോരാ ഉപയോഗിക്കാനും അറിയണം...

റൗണ്ട് എബൗട്ടിലെ വേണ്ട മുൻകരുതലുകൾ എന്തൊക്കെ, ലെയ്ൻ ഡ്രൈവിങ് എന്ത്? എങ്ങനെ? തുടങ്ങിയ കാര്യങ്ങൾ മനസിലാക്കാം

- ദിലീപ് കുമാർ കെ.ജി. മോട്ടർ വെഹിക്കിൾ ഇൻസ്പെക്ടർ ആർടിഒ മലപ്പുറം.

റെയിൽവേ സ്റ്റേഷനിലെ വരിയിൽ നിൽക്കുമ്പോഴും ടോൾ പ്ലാസയിൽ ക്യൂവിൽ കിടക്കുമ്പോഴും ട്രാഫിക് ബ്ലോക്കിൽ പെട്ടിരിക്കുമ്പോഴും നമ്മൾ കിടക്കുന്ന വരിയുടെ വേഗം കുറവാണെന്നു തോന്നാത്ത ആരും ഉണ്ടാകില്ല എന്നതാണ് യാഥാർഥ്യം. അതുകൊണ്ടുതന്നെ വരിതെറ്റിച്ചു കയറണം എന്ന തോന്നൽ ഉടലെടുക്കുകയും ചെയ്യും.

അമേരിക്കയിലെ നാഷനൽ ഹൈവേ ട്രാഫിക് സേഫ്റ്റി അഡ്മിനിസ്ട്രേഷൻ(NHTSA) നടത്തിയ പഠനത്തിൽ അവിടെ നടന്ന ആകെ അപകടങ്ങളിൽ 10ശതമാനത്തിൽ കൂടുതലും ലെയ്ൻ മാറുമ്പോൾ ആണ് സംഭവിച്ചിട്ടുള്ളത് എന്നതാണ്.

ലെയ്ൻ ഡ്രൈവിങ് എന്ത് എങ്ങനെ?

കേരളത്തിൽ അതിവേഗം നിർമാണം പൂർത്തിയായിക്കൊണ്ടിരിക്കുന്ന ആറുവരി ദേശീയപാതകൾ പൂർത്തിയാകുമ്പോഴെങ്കിലും നമ്മൾ നിർബന്ധമായും അറിയേണ്ട ഒന്നാണ് അത്തരം റോഡുകളിൽ കൂടി എങ്ങനെ വാഹനം ഓടിക്കണം എന്നുള്ളത്.

മോട്ടർ വെഹിക്കിൾസ് ഡ്രൈവിങ് ഗുലേഷൻ - 2017 റഗുലേഷൻ 6ൽ ആണ് ലെയ്ൻ ഗതാഗതത്തെക്കുറിച്ചു പ്രതിപാദിച്ചിട്ടുള്ളത്. ഇടത്തോട്ടും വലത്തോട്ടും തിരിയുമ്പോഴും മറ്റു വാഹനങ്ങളെ മറികടക്കുമ്പോഴും ജംക്ഷനുകളിലേക്കും റൗണ്ട് എബൗട്ടുകളിലേക്കും പ്രവേശിക്കുമ്പോഴും ചെയ്യേണ്ടുന്നതായ കാര്യങ്ങളും ഇതിനോടു കൂട്ടിവായിക്കണം. താഴെ പറയുന്ന കാര്യങ്ങളാണ് പ്രധാനമായും ശ്രദ്ധിക്കേണ്ടത്.

ഏതെങ്കിലും പാത (lane) ഒരു പ്രത്യേക വാഹനങ്ങൾക്കു മാത്രമായി രേഖപ്പെടുത്തിയിട്ടുണ്ടെങ്കിൽ ആ ലെയ്നിൽ പ്രസ്തുത വാഹനങ്ങൾ മാത്രമേ ഓടിക്കുവാൻ പാടുള്ളൂ.

ലെയ്ൻ മാറുന്ന സമയത്ത് എല്ലാം തന്നെ MSM രീതി അനുവർത്തിച്ച് സിഗ്നൽ നൽകിക്കൊണ്ടേയിരിക്കണം.

തുടർച്ചയായ വെള്ള/മഞ്ഞ വരകൾ ഉപയോഗിച്ചിട്ടുള്ള സ്ഥലങ്ങളിൽ ഒരു കാരണവശാലും ലെയ്ൻ മാറുകയോ മറികടക്കുകയോ ചെയ്യരുത്.

ജംക്ഷനുകളിലേക്കെത്തുമ്പോൾ ടേണിങ് ലൈൻ (ഗിവ് വേ ലൈനും) മാർക്ക്ചെയ്തിട്ടുള്ള ലെയ്നുകളിൽ മാത്രമേ വാഹനം നിർത്താവൂ.

കുറഞ്ഞ വേഗം അനുവദിച്ചിട്ടുള്ള തും വേഗ നിയന്ത്രണങ്ങൾ ഉള്ളതുമായ വാഹനങ്ങൾ ഇടതു ലെയ്ൻ മാത്രം ഉപയോഗിക്കണം. ഓവർടേക്ക് ചെയ്യുന്ന സന്ദർഭങ്ങളിൽ ഇൻഡിക്കേറ്റർ ഉപയോഗിച്ച് ലെയ്ൻ മാറുകയും തിരിച്ച് പഴയ ലെയിൽ തന്നെ എത്തുകയും വേണം.

ഇടതുവശത്തേക്കോ വലതുവശത്തേക്കോ തിരിയാൻ ഉദ്ദേശിക്കുന്നുണ്ട ങ്കിൽ മുൻകൂട്ടിത്തന്നെ അതത് ലെയ്നുകളിലേക്ക് സ്ഥാനം മാറണം. ജംക്ഷനുകളിൽ പ്രവേശിക്കാതെ പോകാൻ തക്ക സ്ലിപ്പ് ലെനുകൾ ഉണ്ടെങ്കിൽ അതുപയോഗിക്കണം.