എന്റെ ഹീറോ ലുട്ടാപ്പി

'ധീരനി'ലെ സുരമ്യയായെത്തിയ അശ്വതി മനോഹരന്റെ സിനിമാ വിശേഷങ്ങൾ

- അഞ്ജലി അനിൽകുമാർ

ധീരന്റെ സ്വന്തം സുരമ്യ

"ധീരനി'ലെ സുരമ്യയായാണു കൂടുതൽ ആളുകളും ഇപ്പോൾ എന്നെ തിരിച്ചറിയുന്നത്. "ലൗലി'യിലെ ചില രം ഗങ്ങൾ വൈറലായതോടെ ഗ്രേസ് അല്ലേ എന്നു ചോദിക്കുന്നവരുമുണ്ട്. ഓഡിഷനിലൂടെയാണ് ധീരനിൽ എത്തുന്നത്. നാട്ടിൻ പുറത്തു ജീവിക്കുന്ന, പുരോഗമന ചിന്താഗതിയുള്ള പെൺകുട്ടിയാണു സുരമ്യ. സുരമ്യയോടു പെട്ടെന്നു തന്നെ ഒരിഷ്ടം തോന്നി. രാജേഷ് മാധവന്റെ അഭിനയം എനിക്കിഷ്ടമാണ്. ധീരനിൽ വളരെ റിയലിസ്റ്റിക് മീറ്ററിലാണ് അദ്ദേഹം അഭിനയിച്ചിരിക്കുന്നത്.

അശോകൻ ചേട്ടൻ, ജഗദീഷേട്ടൻ, മനോജേട്ടൻ, വിനീതേട്ടൻ തുടങ്ങിയ സീനിയേഴ്സിനൊപ്പം അഭിനയിക്കാൻ സാധിച്ചതും ഒരനുഭവമാണല്ലോ. ഇപ്പോഴും എന്തൊരു ഫ്രഷ്നസ് ആണെന്നോ. അവർ സ്വയം അപ്ഡേറ്റ് ചെയ്യുന്നു എന്നതിന്റെ തെളിവാണു നമുക്ക് അനുഭവപ്പെടുന്ന ഈ പുതുമ.

റിജക്ഷനായിരുന്നു ലക്ഷ്യം, പക്ഷേ...

റിജക്ഷനുകൾ എങ്ങനെ തരണം ചെയ്യാം എന്നു പഠിക്കുന്നതിനുവേണ്ടി മാത്രം ഞാൻ നാടകത്തിന്റെ ഓഡിഷനു പോയി. പക്ഷേ, എനിക്കതിൽ സിലക്ഷൻ കിട്ടി. എന്താല്ലേ? ആ നാടകം ചെയ്യാൻ സാധിച്ചില്ലാട്ടോ.