മുയലിറച്ചിക്ക് വീണ്ടും പ്രിയം

സ്ഥിരലഭ്യത ഉറപ്പാക്കാൻ തൃശൂരിൽ കർഷകക്കൂട്ടായ്മ

- 

ഒരു ഷെഡും അല്പം പുൽക്കൃഷിയുമുണ്ടെങ്കിൽ മഴക്കാലത്തും വരുമാനം നേടാവുന്ന വഴിയാണ് മുയൽ വളർത്തൽ. രണ്ടു നേരം തീറ്റ, മികച്ച തീറ്റ പരിവർത്തനശേ ഷിയുള്ള ഇനം, വിപണിയിലെ ഡിമാൻഡ് എന്നിവ ചേർ ന്നാൽ മികച്ച വരുമാനം ഉറപ്പ്. പ്രീമിയം വിഭാഗത്തിലാണ് മുയലിറച്ചിയുടെ സ്ഥാനം. സ്വന്തമായി കശാപ്പു ചെയ്തു വിൽക്കാനായാൽ ഇതു മികച്ച വരുമാനവഴിയാണെന്നു തൃശൂർ ചേർപ്പിലെ അത്തം മുയൽ ഫാം ഉടമ വി.കെ. സുജിത്.

അഞ്ചു വർഷം മുൻപ് 10 മുയലുകളുമായാണ് സുജിത് സംരംഭം തുടങ്ങിയത്. സങ്കരയിനത്തിൽപെട്ട അവയെ വളർത്തി പഠിച്ചതിനുശേഷം ഫാം വിപുലീകരിച്ചു. അപ്പോൾ സങ്കരയിനങ്ങളിൽനിന്നു വൈറ്റ് ജയന്റ് ഇനത്തിലേക്കു മാറി. എൺപതോളം മുയലുകൾ ഇന്ന് സുജിത്തിന്റെ മാതൃ പിതൃ ശേഖരത്തിലുണ്ട്. ചുവന്ന കണ്ണുകളും തൂവെള്ള നിറ വുമുള്ള ഇവയ്ക്ക് പലതരത്തിലാണ് വിപണി. ഏറ്റവും പ്രധാനം ഇറച്ചി വിപണി തന്നെ. വെളുത്ത നിറമുള്ളവയ്ക്ക് അരുമയെന്ന നിലയിലും വിപണിയുണ്ട്. അതുപോലെ മരു ന്നുകളുടെ പ്രീക്ലിനിക്കൽ പഠനത്തിനായും ആവശ്യമുണ്ട്. ഒരു വിപണി കണ്ടെത്തിയാൽ അവിടെ സ്ഥിരമായി ഇറച്ചി കൊടുക്കാൻ കഴിയണം. സ്ഥിരതയാണ് ഈ മേഖലയിൽ പ്രധാനം.