ഇവിടെയുണ്ട് ബ്രോ, ബ്രൊമീലിയാഡ്സ്

ഉദ്യാനവിപണിയിലെ പ്രീമിയം ഇനം

- 

ലനോപ്സിസിന്റെയും ഫിലോഡെൻഡ്രോൺ ഇനങ്ങളുടെയും വില കേട്ടു നെറ്റി ചുളിക്കുന്ന സാധാരണ പൂച്ചെടിപ്രേമികൾ എക്സോട്ടിക് ബൊമീലിയാഡ്സ് ഇനങ്ങളുടെ വില കേട്ടാൽ എന്തു ചെയ്യും. വാങ്ങേണ്ട എന്നു തീരുമാനിക്കും. ഇത്രയും വില കൊടുത്ത് ഇതൊക്കെ ആരെങ്കിലും വാങ്ങുമോ എന്നു ചിന്തിക്കുകയും ചെയ്യും. എന്നാൽ അങ്ങനെയല്ല കാര്യങ്ങൾ. ബാമീലിയാഡ്സ് ഉൾപ്പെടെ ഉയർന്ന വിലയും മൂല്യവുമുള്ള എക്സോട്ടിക് അലങ്കാരച്ചെടികൾ വാങ്ങാൻ താൽപര്യപ്പെടുന്ന ഒട്ടേറെപ്പേർ നമുക്കിടയിലുണ്ട്. എന്നാൽ, ഇത്തരം പ്രീമിയം ഇനങ്ങളിൽ ഉപഭോക്താക്കൾ ആഗ്രഹിക്കുന്ന വൈവിധ്യം നൽകാൻ നമ്മുടെ സാധാരണ നഴ്സറികൾക്കു കഴിയുന്നില്ല. ഇത്തരം പൂച്ചെടികൾ കഷ്ടപ്പെട്ടു ശേഖരിക്കുന്നവരാകട്ടെ, അവ അവരുടെ സ്വകാര്യ ശേഖരമായി സംരക്ഷിക്കുകയും ചെയ്യുന്നു. അക്കൂട്ടത്തിൽപെടും എറണാകുളം ജില്ലയിലെ മൂവാറ്റുപുഴ മുളവൂരിലുള്ള സഹോദരങ്ങളായ വിഷ്ണു വിജയനും വിനു വിജയനും.