പാലല്ല, ചാണകമാണ് വരുമാനം

15 ഇന്ത്യൻ ഇനം പശുക്കളെ സംരക്ഷിക്കുന്ന യുവകർഷകൻ

- 

കംപ്യൂട്ടർ സ്ഥാപനങ്ങളും പ്രസുമൊക്കെ നടത്തിയിരുന്ന യുവ എൻജിനീയർ ഇന്ന് അറിയപ്പെടുന്നത് ഇന്ത്യൻ ജനുസ്സ് പശുക്കളുടെ സംരക്ഷകനായാണ്.

കോവിഡ് കാലത്ത് ഒരു പശുവിനെ വളർത്തിത്തുടങ്ങിയതാണ് കോട്ടയം ആനിക്കാട് സ്വദേശി വി.ഹരി. ഇന്നത് മഹാലക്ഷ്മിയെന്ന ഗോശാലയാണ്. ഇലക്ട്രോണിക്സ് എൻജിനീയറായ ഹരി കംപ്യൂട്ടറുമായി ബന്ധപ്പെട്ട ബിസിനസിൽ പച്ചപിടിക്കുമ്പോഴായിരുന്നു കോവിഡിന്റെ വരവ്. എല്ലാം പൂർണമായും അടച്ചുപൂട്ടപ്പെട്ടപ്പോൾ കൃഷിയിലൂടെ യാണ് ഇനി നിലനിൽപെന്ന് പലരെയും പോലെ ഹരിയും തിരിച്ചറിഞ്ഞു.