സി.ഐ.ഡി.രാമചന്ദ്രൻ റിട്ട. എസ്.ഐ.

കലാഭവൻ ഷാജോണാണ് ഈ ചിത്രത്തിന്റെ കേന്ദ്ര കഥാപാത്രമായ രാമചന്ദ്രനെ അവതരിപ്പിക്കുന്നത്

- വാഴൂർ ജോസ്

ദീർഘകാലം ർഘകാലം പോലീസ് ഡിപ്പാർട്ട്മെന്റിൽ ജോലി ചെയ്തതിനുശേഷവും ആ തൊഴിലിനോടുള്ള താൽപ്പര്യവും കൂറും നിലനിൽക്കുന്നതിനാൽ ഡിപ്പാർട്ടുമെന്റിനു സഹായകരമായി പ്രവർത്തിക്കാനായി ഒരു സ്ഥാപനം തന്നെ തുടങ്ങുന്ന ഒരു മുൻ പോലീസ് ഉദ്യോഗസ്ഥന്റെ കഥ പറയുന്ന ചിത്രമാണ് സി.ഐ.ഡി രാമചന്ദ്രൻ റിട്ട.എസ്.ഐ.

നവാഗതനായ സനൂപ് സത്യൻ സംവിധാനം ചെയ്യുന്ന ഈ ചിത്രത്തിന്റെ ചിത്രീകരണം തിരുവനന്തപുരത്ത് പുരോഗമിക്കുന്നു. ഏ.ഡി. 1877, സെൻസ് ലോഞ്ച് എന്റർടൈൻമെന്റിന്റെ ബാനറിൽ ഷിജു മിസ്പാ, ബിനിൽ തോമസ്, സനൂപ് സത്യൻ എന്നിവരാണ് ഈ ചിത്രം നിർമ്മിക്കുന്നത്.

കലാഭവൻ ഷാജോണാണ് ഈ ചിത്രത്തിന്റെ കേന്ദ്ര കഥാപാത്രമായ രാമചന്ദ്രനെ അവതരിപ്പിക്കുന്നത്. തിരുവനന്തപുരത്ത് പട്ടത്തെ ഒരു ബിൽഡിംഗിൽ ഈ ചിത്രത്തിന്റെ ചിത്രീകരണം നടക്കുന്നു. രാമചന്ദ്രൻസ് ഇൻവെസ്റ്റിഗേഷൻ ഓഫീസ് എന്ന ഒരു  ബോർഡും ഓഫീസിനു മുന്നിലുണ്ട്.