Cinema Is An Art & Business

ഭഗവാൻ ദാസന്റെ രാമ രാജ്യം എന്ന ആദ്യചിത്രത്തിനു ശേഷം റഷീദ് പറമ്പിൽ കോലാഹലവുമായെത്തി തിയേറ്ററുകളിൽ വലിയ സ്വീകാര്യത നേടിയിരുന്നു. ഇപ്പോളിതാ തന്റെ സിനിമാവഴികളെക്കുറിച്ച് റഷീദ് പറമ്പിൽ സംസാരിക്കുന്നു.

- നിരഞ്ജന ഇന്ദു

മികച്ച അഭിപ്രായവുമായി കോലാഹലം

കോലാഹലം സിനിമ കണ്ടവരിൽ നിന്നെല്ലാം മികച്ച അഭിപ്രായമാണ് കിട്ടുന്നത്. അത് വളരെ സന്തോഷമുണ്ടാക്കുന്ന കാര്യമാണ്. ഒരു മരണവീടും അവിടെ നടക്കുന്ന ചില കോലാഹലങ്ങളും ആണ് സിനിമയുടെ പ്രമേയം. ഒറ്റപ്പാലം, വള്ളുവനാട് തുടങ്ങിയ ഇടങ്ങളിലാണ് സിനിമ ചിത്രീകരിച്ചിരിക്കുന്നത്. ഒരു കാലത്തെ ഗ്രാമീണ സിനിമകളുടെ സ്ഥിരം പശ്ചാത്തലമായിരുന്നു അവിടെല്ലാം. അത്തരത്തിൽ മിക്ക സിനിമകളിലും പ്രധാനമായിട്ട് വന്നിരുന്ന ലൊക്കേഷനുകളുടെ ഭാഗങ്ങൾ തന്നെയാണ് ഈ സിനിമയിലും നമ്മൾ എടുത്തിട്ടുള്ളത്. അതുപോലെ അവിടുത്തെ ആളുകളെ തന്നെയാണ് സിനിമയിൽ അധികവും അഭിനയിപ്പിച്ചിരിക്കുന്നത്. അതിൽ സാധാരണക്കാരും പ്രൊഫഷണൽ നടന്മാരുമെല്ലാം ഉണ്ട്. പിന്നെ കോലാഹലം ജനങ്ങളിലേക്കെത്തിക്കുന്നത് ഒറ്റപ്പാലക്കാരൻ തന്നെയായ ലാൽജോസ് സാർ ആണ്.

ലാൽജോസ് തരുന്ന പിന്തുണ