ഭാഗ്യം മിന്നിയ കേസ് കൊട്

മലയാള സിനിമയുടെ നോട്ടപ്പുള്ളിയായി മാറിയ കാസര്കോടുകാരൻ രാജേഷ് മാധവനൊപ്പം

- 

മഞ്ഞ കമ്പളം നനച്ചിട്ട പോലെ പൂക്കൾ വീണുകിടപ്പുണ്ടായിരുന്നില്ല. മുഴുവൻ കല്ലുമുള്ളും. ജയിച്ചവരേക്കാൾ തോറ്റവരുടെ കഥകളാണ് ചുറ്റും. അതിനിടയിൽ നിന്ന് സിനിമയിലേക്ക് ബാഗും തൂക്കിയിറങ്ങിയതാണ് രാജേഷ് മാധവൻ, കാസർകോട് പെർളടുക്കംകാരൻ.

"ന്നാ താൻ കേസ് കൊട്' സിനിമയിലെ പഞ്ചാരകാമുകൻ സുരേശൻ, കനകം കാമിനി കലഹത്തിലെ മനാഫ്, "ആൻഡ്രോയ്ഡ് കുഞ്ഞപ്പനിലെ വിനു, മഹേഷിന്റെ പ്രതികാരത്തിൽ ജനഗണമന കേട്ടപ്പോൾ അറ്റൻഷനായി നിന്ന് രാജ്യസ്നേഹി'. അങ്ങനെ സിനിമ കഴിഞ്ഞാലും മനസ്സിൽ നിന്നിറങ്ങാത്ത കഥാപാത്രങ്ങൾ.

രാജേഷിന്റെ വീട്ടിലെത്തിയപ്പോൾ സ്വീകരിക്കാൻ കുടുംബാംഗങ്ങൾക്കൊപ്പം ബന്ധുക്കളും. സന്തോഷം കുരുത്തോലയിട്ട് സ്വീകരണമേറ്റു വാങ്ങി നേരെ അഭിമുഖത്തിലേക്ക്

ആക്ടർ ഫ്രം കുണ്ടംകുഴി... സ്വപ്നമായിരുന്നല്ലേ സിനിമ?

ഹൈസ്കൂളും പ്ലസ് ടുവും  പഠിച്ചത് കൊളത്തൂർ കുണ്ടംകുഴി ഹയർ സെക്കൻഡറി സ്കൂളിലാണ്. സിനിമ സ്വപ്നമല്ല, അതുക്കും മേലെയാണ്. കാസർകോട് നിന്ന് സിനിമയിലേക്കുള്ള യാത്ര അത്ര അടിപൊളിയായിരുന്നില്ല. പ്ലസ് ടുവിന് കൊമേഴ്സ് എടുത്തു  അത് ചാർട്ടേഡ് അക്കൗണ്ടന്റാകാൻ

* ആയിരുന്നില്ല. ചേച്ചി ശ്രീജി അതാണ് പഠിച്ചത്. ആ വഴിയേ ഞാനും നടന്നു. അച്ഛന് കൂലിപ്പണിയായിരുന്നു. എന്നെ എംബിഎ പഠിപ്പിക്കണമെന്നായിരുന്നു അച്ഛന്റെ ആഗ ഹം. അതൊരു അതിമോഹമായിരുന്നില്ല. മകൻ രക്ഷപ്പെ ട്ടോട്ടെ എന്നോർത്ത് പാവം ആഗ്രഹിച്ചതാണ്.