ഓണം കഴിഞ്ഞാൽ മുണ്ടു മുറുക്കി ഉടുക്കേണ്ടി വരുമോ?

രണ്ടു ശമ്പളവും ബോണസും അഡ്വാൻസും അടക്കം വലിയ തുക കയ്യിലെത്തുമെങ്കിലും സർക്കാർ ജീവനക്കാരും പെൻഷൻകാരും തികഞ്ഞ കരുതലോടെ വേണം ആ പണം ചെലവഴിക്കാൻ.

- 

ഓണക്കാലം അധികവരുമാനത്തിന്റെ കാലം കൂടിയാണ്. സർക്കാർ ജീവനക്കാരും പെൻഷൻകാരും ഉൾപ്പെടെ എല്ലാ വിഭാഗം തൊഴിലാളികൾക്കും കൂടുതൽ പണം കൈവശം വന്നുചേരും.

ഇത്തവണ രണ്ടു ശമ്പളം

ഓഗസ്റ്റിൽ സർക്കാർ ജീവനക്കാർക്കു രണ്ടു ശമ്പളം ലഭിക്കും. ഓണം 15-ാം തീയതിക്കുശേഷം വരുന്നതിനാൽ തൊട്ടടുത്ത മാസത്തെ ശമ്പളം കൂടി നൽകും. ഇതിനു പുറമേ നിബന്ധനകൾക്കു വിധേയമായി ഒരു മാസത്തെ ശമ്പളം ബോണസായും ലഭിക്കും. ബോണസിന് അർഹതയില്ലാത്തവർക്ക് ഉത്സവബത്ത ലഭിക്കും. തീർന്നില്ല, ആവശ്യക്കാർക്കു 20,000 രൂപ ഫെസ്റ്റിവൽ അഡ്വാൻസും കിട്ടും. ഇത് അഞ്ച് ഗഡുക്കളായി തിരിച്ചുപിടിക്കുമെങ്കിലും പലിശ നൽകേണ്ടതില്ല. സർക്കാരിന്റെ സാമ്പത്തിക പ്രതിസന്ധിമൂലം ഓണം അഡ്വാൻസ് ഒഴിവാക്കാനോ പരിമിതിപ്പെടുത്താനോ ആലോചനയുണ്ട്.

ബോണസ് വർധിപ്പിക്കുമോ?

ഒരു മാസത്തെ ശമ്പളം/പെൻഷൻ പരിധിയില്ലാതെ ബോണസായി അനുവദിക്കണമെന്ന ആവശ്യം ശക്തമാണ്. കടുത്ത സാമ്പത്തിക പ്രതിസന്ധിയുടെ പശ്ചാത്തലത്തിൽ സർക്കാർ അതിനു തയാറാകാൻ സാധ്യതയില്ല.

ഉണ്ട് ലക്ഷങ്ങൾ, കിട്ടുമോ?

2019 മുതലുള്ള ശമ്പളപരിഷ്കരണത്തിന്റെ കുടിശിക നാലു ഗഡുക്കളായി പിഎഫിൽ നിക്ഷേപിക്കാനും പെൻഷൻകാർക്ക് നാലു ഗഡുക്കളായി നൽകാനുമായിരുന്നു തീരുമാനം. ജീവനക്കാരുടെ കുടിശികയിൽ ആദ്യ ഗഡുവായ 25% ഏപ്രിലിൽ പിഎഫിൽ ഇടുമെന്ന് അറിയിച്ചെങ്കിലും പ്രതിസന്ധി മൂലം നീട്ടിവച്ചു. പെൻഷൻകാർക്ക് രണ്ടു ഗഡുക്കൾ നൽകി. സാമ്പത്തിക സ്ഥിതി മെച്ചപ്പെടുന്ന മുറയ്ക്ക കുടിശിക നൽകുമെന്നാണ് ഇപ്പോൾ പറയുന്നത്.

രണ്ടര വർഷമായി ക്ഷാമബത്തെ ഇല്ല