പിന്തുടർച്ച ആസൂത്രണം ചെയ്യാം ട്രസ്റ്റുകളിലൂടെ

പിന്തുടർച്ചയുമായി ബന്ധപ്പെട്ടുണ്ടായേക്കാവുന്ന പ്രശ്നങ്ങൾ ദീർഘകാലാടിസ്ഥാനത്തിൽ കൈകാര്യം ചെയ്യുന്നതിനുള്ള മികച്ച മാർഗമാണ് ട്രസ്റ്റ്.

- പി.അനിൽകുമാർ ഗവ. ഡെപ്യൂട്ടി സെക്രട്ടറി ധനകാര്യ വകുപ്പ്, സെക്രട്ടേറിയറ്റ്

വിൽപത്രത്തിനു പകരം, എസ്റ്റേറ്റ് സക്സഷൻ പ്ലാനിങ്ങിലെ ചില സങ്കീർണമായ സാഹചര്യങ്ങൾ കൈകാര്യം ചെയ്യുന്നതിനായി പലരും ഇന്നു ട്രസ്റ്റുകൾ സ്ഥാപിക്കുന്നതു പരിഗണിക്കാറുണ്ട്. ഇവിടെ ഒരു വ്യക്തിക്ക് അയാളുടെ മരണശേഷം എല്ലാ സ്വത്തുക്കളും ഒരു സ്വകാര്യ ചാരിറ്റബിൾ ട്രസ്റ്റിനു കൈമാറാൻ കഴിയും. ആ വ്യക്തിയുടെ മരണശേഷം ആ ട്രസ്റ്റ് പ്രവർത്തനക്ഷമമാവും. ഇത്തരത്തിൽ കുടുംബാംഗങ്ങൾക്കോ അല്ലെങ്കിൽ ഗുണഭോക്താക്കളായി ഉൾപ്പെടുത്താൻ ആഗ്രഹിക്കുന്ന വ്യക്തികൾക്കോ ആസ്തികളുടെ പ്രയോജനം ലഭിക്കുന്ന രീതിയിൽ ട്രസ്റ്റുകൾ സ്ഥാപിക്കാൻ കഴിയും.

പിന്തുടർച്ചയുമായി ബന്ധപ്പെട്ടുണ്ടായേക്കാവുന്ന പ്രശ്നങ്ങൾ ദീർഘകാലാടിസ്ഥാനത്തിൽ കൈകാര്യം ചെയ്യുന്നതിനുള്ള മികച്ച മാർഗമാണ് ട്രസ്റ്റ്. സെർ (ട്രസ്റ്റ് സ്ഥാപിക്കുന്ന ആൾ), ട്രസ്റ്റികൾ എന്നിവർ തമ്മിലുള്ള ഒരു ഉടമ്പടിയായാണിത്. അതിലൂടെ ആസ്തികളുടെ നിയമപരമായ ഉടമസ്ഥാവകാശം ട്രസ്റ്റിനു കൈമാറുന്നു. ട്രസ്റ്റ് ഡീഡിൽ വ്യക്തമാക്കി യതുപോലെ ഗുണഭോക്താക്കളുടെ പ്രയോജനത്തി നായി മാത്രമായിരിക്കും നിയമപരമായ ഈ ഉടമസ്ഥാ വകാശം കൈമാറുന്നത് എന്ന ഒരു നിബന്ധന/ബാധ്യത ഉത്തരവാദിത്തം ഇതിൽ അടങ്ങിയിരിക്കുന്നു.

ട്രസ്റ്റിന്റെ ഘടകങ്ങൾ:

1. Settlor / author of the Trust: ട്രസ്റ്റ് രൂപീകരിക്കുന്ന ആൾ.

2. Trustee: ട്രസ്റ്റ് നോക്കിനടത്താനായി സെറ്റ്ലർ

നിയോഗിക്കുന്നയാൾ.

3. Beneficiary: ട്രസ്റ്റ് രൂപീകരിച്ചിരിക്കുന്നത് ആരുടെ അല്ലെങ്കിൽ ആരുടെയൊക്കെ ഗുണത്തിനായിട്ടാണോ അവർ.

4. Trust Property or Trust Money: പണം, ആഭരണങ്ങൾ, നിക്ഷേപങ്ങൾ, വസ്തുവകകൾ തുടങ്ങിയ ആസ്തികൾ.

ട്രസ്റ്റ് ഡിഡിൽ നിർബന്ധമായും ഉൾപെടുത്തേണ്ടവ:

1. ട്രസ്റ്റ് രൂപീകരിക്കുന്നതിന്റെ ഉദ്ദേശ്യം.

2. ട്രസ്റ്റിന്റെ ഗുണഭോക്താക്കൾ.