പണം, കാർ, ഫ്ലാറ്റ് സമ്മാനം കിട്ടണോ ആദ്യം അടയ്ക്കണം 31.2% നികുതി

സമ്മാനത്തിന്റെ മൂല്യം 10,000 രൂപ കവിഞ്ഞാൽ ടിഡിഎസ് പിടിക്കണം

- 

നിങ്ങൾക്കും ആകാം കോടീശ്വരൻ മുതൽ ബിഗ് ബോസ്, ഒരു ചിരി ഇരു ചിരി ബംപർ ചിരിവരെ സമ്മാനങ്ങൾ വാരിവിതറുന്ന ടിവി ഗെയിം ഷോകൾ ഏറെയാണ്. ഓൺലൈൻ ഗെയിമിലും ലോട്ടറികളിലും സമ്മാനം നേടുന്നവരും കൂടിവരുന്നു. പക്ഷേ, ഇങ്ങനെ ലഭിക്കുന്ന സമ്മാനങ്ങൾക്ക് ആദായനികുതി നൽകണം എന്നറിയാമോ? അതും 31.2% നിരക്കിൽ. ഇനി വീടോ, കാറോ ഒക്കെയാണെങ്കിൽ അവ കയ്യിൽക്കിട്ടാൻ ഇത്രയും നികുതി മുൻകൂറായി അടയ്ക്കണം.

മത്സരങ്ങളിൽനിന്നും ലഭിക്കുന്ന സമ്മാനത്തിന് 30% ഫ്ലാറ്റ് റേറ്റിലാണ് നികുതി. ആരോഗ്യ വിദ്യാഭ്യാസ സെസ്കൂടിയാകുമ്പോൾ നിരക്ക് 31.2% ആകും. അതായത്, ഒരു ലക്ഷം രൂപ ലഭിച്ചാൽ 31,200 രൂപ നികുതി.