കല്ലുവിന്റെ കറ്റാർവാഴ വിമലയുടെ അഡീനിയം

5 സെന്റിലെ ആദായക്കൃഷികൾ

- 

വീട്ടുകാര്യങ്ങൾ കൂടുതൽ ശ്രദ്ധിക്കാം എന്നു ചിന്തിച്ചാണ് വിമലാദേവി ജോലി മതിയാക്കിയത്. അതോടെ പേരക്കുട്ടിക്കൊപ്പം കളിക്കാനും അടുക്കളത്തോട്ടം ഒരുക്കാനുമൊക്കെ ഇഷ്ടം പോലെ സമയമായി. ഇന്ന് എറണാകുളത്തിനടുത്ത് തൃപ്പൂണിത്തുറയിലുള്ള പുത്തൻപുരയ്ക്കൽ വീടിന്റെ മുറ്റവും മട്ടുപ്പാവുമെല്ലാം കൃഷിസമൃദ്ധമാണ്. വീട്ടാവശ്യത്തിനുള്ള പച്ചക്കറികളെല്ലാം ചട്ടിയിലും ഗ്രോബാഗിലുമായി വളരുന്നു. തിരുവാണിയൂർ ഗ്ലോബൽ പബ്ലിക് സ്കൂളിലെ പ്രീ കെജി ക്ലാസുകാരിയായ പേരക്കുട്ടി കല്യാണിയും അമ്മമ്മ വിമലയും ചേർന്ന് കൃഷിയും ഉദ്യാനപരിപാലനവും ഉഷാറാക്കിയപ്പോൾ അവർ പോലും അറിയാതെ അതൊരു ചെറു സംരംഭമായി വളർന്നു. വിമലയ്ക്ക് കമ്പം പച്ചക്കറിയിലും പൂച്ചെടിയിലുമാണെങ്കിൽ കല്യാണിയെന്ന കല്ലുവിന്റെ ശ്രദ്ധയത്രയും കറ്റാർവാഴയിലാണ്. സാമൂഹിക മാധ്യമങ്ങൾ വഴി ഇരുവരുടെയും കൃഷിയറിഞ്ഞെത്തുന്ന ഉപഭോക്താക്കളിലൂടെ ചെറുതല്ലാത്ത വരുമാനവും നേടുന്നുണ്ട് ഈ "പുതുസംരംഭകർ.