കാർഷിക വിദ്യാഭ്യാസം മറുനാട്ടിൽ

ഇതര സംസ്ഥാനങ്ങളിൽ ബിഎസ്സി (ഓണേഴ്സ്) അഗ്രികൾചർ കോഴ്സിനു പ്രവേശനം തേടുന്നവർ ഐസിഎആർ അക്രഡിറ്റേഷനുള്ള സ്ഥാപനങ്ങൾ മാത്രം തിരഞ്ഞെടുക്കാൻ പ്രത്യേകം ശ്രദ്ധിക്കണം. അറിയുക, മറ്റു മുൻകരുതലുകളും

- ഡോ. ഡി.വിത്സൻ

കൃഷിവകുപ്പിലും ദേശസാൽകൃത ബാങ്കുകളിലും കമ്മോഡിറ്റി ബോർഡുകളിലും സ്വകാര്യമേഖലക ളിലും തൊഴിൽ സാധ്യതകളുള്ള നാലു വർഷ ബിഎസ്സി (ഓണേഴ്സ്) അഗ്രികൾചർ കോഴ്സിന് ആവശ്യക്കാർ ധാരാളം ഉണ്ട്. എന്നാൽ, കേരളത്തിലെ 4 കോളജുകളിലുമായി ആകെ സീറ്റുകൾ 450 മാത്രം. ദേശീയതലത്തിൽ നടത്തുന്ന യോഗ്യതാപരീക്ഷയുടെ അടിസ്ഥാനത്തിലാണ് പ്രവേശനം. എൻജിനീയറിങ് താൽപര്യമില്ലാത്ത വിദ്യാർഥകൾ മെഡിക്കൽ കോഴ്സുകൾ കഴിഞ്ഞാൽ മുൻഗണന നൽകുന്നതു കാർഷിക അനുബന്ധ കോഴ്സുകൾക്കാണ്. അതുകൊണ്ടുതന്നെ ദേശീയ പ്രവേശന പരീക്ഷയിൽ ഉയർന്ന റാങ്ക് ലഭിക്കുന്നവർക്കേ കേരള കാർഷിക സർവകലാശാലയിൽ പ്രവേശനം കിട്ടുകയുള്ളൂ.

ബിഎസ്സി (ഓണേഴ്സ്) അഗ്രികൾചർ കോഴ്സിൽ പ്രവേശനം നേടുന്നതിനുള്ള മറ്റൊരു മാർഗം ഇന്ത്യൻ കാർഷിക ഗവേഷണ കൗൺസിൽ (ICAR) നടത്തുന്ന പ്രവേശന പരീക്ഷ എഴുതുകയാണ്. എല്ലാ സംസ്ഥാന കാർഷിക സർവകലാശാലകളിലെയും കോളജുകളിൽ 15% സീറ്റുകൾ ഈ പരീക്ഷയിൽ ഉയർന്ന റാങ്ക് നേടുന്നവർക്കായി മാറ്റിവച്ചിട്ടുണ്ട്. പരീക്ഷാഫലം വന്നുകഴിഞ്ഞാൽ റാങ്ക് അടിസ്ഥാനത്തിൽ ഇഷ്ടപ്പെട്ട യൂണിവേഴ്സിറ്റിയും കോളേജും തിരഞ്ഞെടുക്കാം. കേന്ദ്ര സർവകലാശാലയിലേക്ക് വിദ്യാർഥികളെ തിരഞ്ഞെടുക്കുന്നതും ഈ പരീക്ഷയുടെ അടിസ്ഥാനത്തിലാണ്. മെറിറ്റ് അടിസ്ഥാനത്തിൽ മാത്രമേ കേരളത്തിൽ ബിഎസ്സി (ഓണേഴ്സ്) അഗ്രികൾചർ കോഴ്സിനു പ്രവേശനം ലഭിക്കുകയുള്ളൂ. ഈ സാഹചര്യത്തിലാണ് വിദ്യാർഥികൾ കാർഷിക ബിരുദ കോഴ്സുകൾ പഠിക്കുന്നതിന് മറ്റു സംസ്ഥാനങ്ങളെ ആശ്രയിക്കുന്നത്. മറ്റു സംസ്ഥാനങ്ങളിൽ പ്രവേശനം ലഭിക്കുമെങ്കിലും അതിനു ശ്രമിക്കുമ്പോൾ പഠിക്കാൻ പോകുന്ന സ്ഥാപനത്തിന്റെ നിലവാരത്തെക്കുറിച്ചും ഐസിഎആർ അംഗീകാരത്തെ ക്കുറിച്ചും വ്യക്തമായ അറിവുണ്ടായിരിക്കണം.

ഇതര സംസ്ഥാനങ്ങളിൽ കാർഷിക ബിരുദ കോഴ്സു കൾ നടത്തുന്ന സ്ഥാപനങ്ങൾ 1. സംസ്ഥാന കാർഷിക സർവകലാശാലകൾ, 2. കാർഷിക സർവകലാശാലകളു മായി അനുബന്ധമുള്ള അഫിലിയേറ്റഡ് കോളജുകൾ 3. ഡീംഡ് (Deemed) യൂണിവേഴ്സിറ്റികൾ 4. സ്വകാര്യ സർവകലാശാലകൾ/ കോളജുകൾ എന്നിവയാണ്.

കാർഷിക സർവകലാശാല