വിദേശപ്പഴങ്ങൾ വിപണിരഹസ്യങ്ങൾ

കേരളത്തിൽ വ്യാപകമായി ഉൽപാദിപ്പിക്കുന്ന വിദേശപഴങ്ങൾ എവിടെ, എങ്ങനെ വിൽക്കാം. ഒപ്പം വിളവെടുപ്പിലും അതിനു മുൻപും ശേഷവും ശ്രദ്ധിക്കേണ്ട കാര്യങ്ങളും. വ്യാപാരികളും കർഷകരും കാർഷിക വിദഗ്ധരും അറിവുകൾ, അനുഭവങ്ങൾ പങ്കുവയ്ക്കുന്നു.

- ജയിംസ് ജേക്കബ് തുരുത്തുമാലി

കൈ നിറയെ കാശ് തരുന്ന കൃഷി അന്വേഷിക്കുകയാണോ? കാർഷികമേഖലയിൽ നിക്ഷേപം നടത്താൻ ആഗ്രഹമുണ്ടോ? കാർഷികജീവിതത്തിന്റെ സൗഭാഗ്യങ്ങൾ അനുഭവിക്കുന്നതിനൊപ്പം സമ്പത്തും നേടാൻ അവസരങ്ങൾ തുറക്കുകയാണ് പഴവർഗകൃഷി. വെറും പഴങ്ങളല്ല, വിപണിക്കു പ്രിയപ്പെട്ട വിദേശപ്പഴങ്ങൾ ആദ്യ വർഷം തന്നെ ആദായമേകിത്തുടങ്ങുന്ന ഡ്രാഗൺ ഫ്രൂട്ട് മുതൽ 10-12 വർഷം കാത്തിരിക്കേണ്ടിവരുന്ന മാങ്കോ സ്റ്റിൻ വരെ ഇക്കൂട്ടത്തിലുണ്ട്. 3-4ഏക്കറിലെ കൃഷിയിലൂ ടെ മാന്യമായി ജീവിക്കാനുള്ള വരുമാനം മിക്ക പരമ്പരാഗത വിളകളിൽനിന്നും ലഭിക്കാത്ത സാഹചര്യത്തിലാണ് ഇവയുടെ മുന്നേറ്റം.

റബറിനു പകരമായി പലരും കാണുന്ന റംബുട്ടാനാണ് ഇവയിൽ പ്രധാനി. വീട്ടുവളപ്പിലെ പ്രിയവിളയെന്ന സ്ഥാനം വിട്ടു തോട്ടവിളയായി മാറിയ മാങ്കോസ്റ്റിനും അതിവേഗം വരുമാനമെന്ന മോഹനവാഗ്ദാനം നൽകുന്ന ഡ്രാഗൺ കൂട്ടും മുതൽമുടക്ക് കുറവുള്ള പാഷൻ ഫ്രൂട്ടുമൊക്കെ കൃഷിക്കാർക്കു പ്രതീക്ഷ നൽകുന്നു. ഇവയുടെ കൃഷിരീതികളും സവിശേഷതകളുമൊക്കെ എല്ലാവരും തിരിച്ചറിഞ്ഞു കഴിഞ്ഞു. എന്നാൽ വിപണിയിൽ ഇവയുടെ പ്രകടനമെങ്ങനെ? വിപണിക്കുവേണ്ടി കൃഷി ചെയ്യുമ്പോൾ എന്തൊക്കെ ശ്രദ്ധിക്കണം? സ്ഥിരവരുമാനത്തിനായി കൃഷി ചെയ്യുന്നവർ വിളവെടുപ്പിനു മുൻപും ശേഷവും ചെയ്യേണ്ടതെന്തൊക്കെ? ഇങ്ങനെ ഒട്ടേറെ ചോദ്യങ്ങൾ കർഷകരുടെ മനസ്സിൽ ഉയരുന്നുണ്ട്. ഇവയ്ക്കുള്ള ഉത്തരങ്ങൾ ഈ രംഗത്ത് ആദ്യമിറങ്ങി നേട്ടമുണ്ടാക്കിയ കർഷകരോടും വ്യാപാരികളോടും വ്യാപാരത്തിലേക്കു ചുവടുമാറിയ കർഷകരോടും ചോദിക്കാം.

ഈ പഴങ്ങളുടെ മൊത്തത്തിലുള്ള സംരംഭസാധ്യതകൂടി അറിയേണ്ടതുണ്ട്. ഏതു സംരംഭത്തിന്റെയും വിജയപരാജയ ങ്ങൾ നിർണയിക്കാൻ മാനേജ്മെന്റ് വിദഗ്ധർ ഉപയോഗി ക്കാറുള്ള പരിശോധനയാണ് സ്വോട്ട് അനാലിസിസ് അഥവാ ശക്തി - ദൗർബല്യ - സാധ്യതാപഠനം. കേരളത്തിലെ വിദേശ പഴവർഗങ്ങളുടെ ശക്തിദൗർബല്യങ്ങൾക്കൊപ്പം ഈ രംഗത്തെ പ്രമുഖ സംരംഭകരുടെ അനുഭവങ്ങളും ചുവടെ.

ഉഷ്ണമേഖലാ പഴവർഗകൃഷി

കേരളത്തിൽ ഉഷ്ണമേഖലാ പഴവർഗകൃഷിക്കുള്ള മികവുകളും ദൗർബല്യങ്ങളും ആദ്യം നോക്കാം.

മികവുകൾ

അനുകൂല കാലാവസ്ഥ, വിദ്യാസമ്പന്നരായ കൃഷിക്കാർ, ഫലഭൂയിഷ്ഠമായ മണ്ണ്, രാജ്യമാകെ വിപണി, പഴങ്ങൾ ആരോഗ്യ ഭക്ഷണമെന്ന തിരിച്ചറിവ്.

ദൗർബല്യം