"നല്ല ആലോചനയാ...

നായ്ക്കൾക്ക് നല്ല ഇണകളെ കണ്ടെത്താൻ പെറ്റ് മാട്രിമോണി സ്റ്റാർട്ടപ്

- ജോബി ജോസഫ് തോട്ടുങ്കൽ

ഏതു പട്ടിക്കുമുണ്ട്. നല്ലൊരു ദിവസം എന്നു പറയുന്നതു വെറുതെയല്ല; ഇണയെ കണ്ടെത്തുന്ന കാര്യത്തിൽ നമ്മുടെ നാട്ടിലെ പട്ടികൾക്കും നല്ല കാലം വരുന്നു. പ്രായം, ആരോഗ്യം, ശരീരവലുപ്പം, കുലമഹിമ എന്നിവയൊക്കെ വിലയിരുത്തി യോജിക്കുന്ന ഇണയെ കണ്ടെത്താനുള്ള അവസരമാണ് പെറ്റ് മാട്രിമോണി സ്റ്റാർട്ടപ് ഒരുക്കുന്നത്. കേരള വെറ്ററിനറി സർവകലാശാലയിൽ ബിവി എസി പൂർത്തിയാക്കി ഇന്റേൺഷിപ് ചെയ്യുന്ന മലയാറ്റൂർ സ്വദേശി നടുവട്ടം പുതുശ്ശേരി വീട്ടിൽ അബിൻ ജോയിയുടെ ആശയമാണ് പെറ്റ് മാട്രിമോണി.