കരുതലായി കാട

സ്ഥലപരിമിതിയുള്ളവർക്കും നിത്യവരുമാനം

- 

സംസ്ഥാനത്തു സജീവമായിരുന്ന കാടകൃഷി ഇട കാലത്തു നേരിട്ടതു കനത്ത തിരിച്ചടിയാണ്. 2018 നുശേഷം കാടകൃഷിയിൽനിന്നു പിൻതിരിഞ്ഞവർ ഒട്ടേറെ. മുട്ടയും ഇറച്ചിക്കും മികച്ച ഡിമാൻഡ് ഉണ്ടായിട്ടും കൃഷിക്കാർ പിൻവാങ്ങാൻ കാരണം തീറ്റവിലയിലെ വൻ വർധനയാണ്. ചാക്കിന് 900 രൂപയായിരുന്ന തീറ്റവില കോവിഡ് കാലത്ത് 2,300 രൂപയിലേക്കു കുതിച്ചു. അപ്പോഴും പക്ഷേ മുട്ടവില ഒന്നിന് 1.80 രൂപയിൽത്തന്നെ തുടർന്നു. കാടകൃഷിക്കാർ സംഘടിതരല്ലാത്തതിനാൽ വില വർധിപ്പിക്കാൻ ആർക്കും ആത്മവിശ്വാസമുണ്ടായില്ല. അതോടെ കൃഷി നഷ്ടത്തിലേക്കു കൂപ്പുകുത്തി.

എന്നാൽ, കഴിഞ്ഞ വർഷത്തോടെ സ്ഥിതി ഗതികൾ മെച്ചപ്പെട്ടു. തീറ്റവില അൽപം താഴ്ന്ന് 2,100 രൂപയിലെത്തുകയും മുട്ടയ്ക്കു കർഷകനു ലഭിക്കുന്ന വില 3 രൂപയിലേക്ക് ഉയരുകയും ചെയ്തു. നിലവിൽ കാടകൃഷി ശുഭാപ്തി വിശ്വാസത്തിന്റെ പാതയിലാണ്. സാധാരണ ക്കാരായ കർഷകർക്കും വീട്ടമ്മമാർക്കുമെല്ലാം നിത്യവരുമാനത്തിന് ഉതകുന്ന കാടകൃഷിയി ലേക്ക്, മുൻപ് വിട്ടുപോയവരെല്ലാം തിരിച്ചെ ത്തുന്നുമുണ്ട്. കൃഷിക്കാർ പിൻവാങ്ങിയ തോടെ ഇടക്കാലത്തു നമ്മുടെ വിപണിയിൽ കാടമുട്ട കിട്ടാനില്ലാത്ത സ്ഥിതിയുണ്ടായിരുന്നു. എന്നാൽ, ഇപ്പോൾ വലിയ തോതിൽ കാടമുട്ട വിപണിയിലെത്തുന്നു.