സീറോ വേസ്റ്റ് ആടുവളർത്തൽ

കൃഷിക്കൊപ്പം മാലിന്യനിർമാർജനം, ബയോഗ്യാസ്

- 

ആടുവളർത്താൻ തുടങ്ങുമ്പോൾ 2 കാര്യങ്ങളാണ് ഷാജൻ മനസ്സിൽ കണ്ടത്. ഒന്ന്, ശാസ്ത്രീയ മാലിന്യസംസ്കരണരീതി. രണ്ട്, കുറഞ്ഞ അധ്വാനം. രണ്ടു കാര്യങ്ങളും പൂർണമായും നിറവേറ്റിയ ആടുഫാമിന്റെ ഉടമയാണിന്ന് ഇടുക്കി തങ്കമണിക്കടുത്ത് കൊച്ചു കാമാക്ഷിയലുള്ള ഷാജൻ ഫിലിപ്. 80 ആടുകൾക്കു പാർക്കാവുന്ന ആധുനിക ആട്ടിൻ കൂടിന്റെ ഭാഗമായി കോഴി താറാവ് വളർത്തൽ, ബയോഗ്യാസ് പ്ലാന്റ് എന്നിവയെല്ലാം ഷാജൻ ഒരുക്കിയിട്ടുണ്ട്.

 ഇടുക്കി വിഷൻ കേബിൾ നെറ്റ്വർക്ക് രംഗത്തു പ്രവർത്തിക്കുന്ന ഷാജൻ 4 വർഷം മുൻപാണ് ഫാം അടിസ്ഥാനത്തിലുള്ള ആടുകൃഷിയിലേക്കു തിരിയുന്നത്, ആടുവളർത്താൻ ഒരുങ്ങുന്നവർ നിർബന്ധമായും ഒന്നോ രണ്ടോ പരിശീലന പരിപാടിയിൽ പങ്കെടുക്കണമെന്നു ഷാജൻ.