അകത്തളത്തിൽ കുഞ്ഞൻ പൂന്തോട്ടം പിന്നെ ധ്യാനോദ്യാനവും

പൂന്തോട്ടം

-  ജേക്കബ് വർഗീസ് കുന്തറ  ഫോൺ: 9447002211 Youtube Channel: JACOBINTE UDHYANAM

പുതിയ ഡിസൈനിലുള്ള പൂന്തോട്ടം, അതിൽ പുതിയ “ഇനം ചെടികൾ എല്ലാം മലയാളിക്ക് എന്നും താൽപ ര്യമാണ്. കൊള്ളാം, നന്നായിട്ടുണ്ട് എന്നു കേൾക്കാൻ ആരാണ് ഇഷ്ടപ്പെടാത്തത്. അതുകൊണ്ടുതന്നെ വീടുനിർ മാണത്തിലെന്നപോലെ എത്രയെത്ര നൂതനാശയങ്ങളാണ് പൂന്തോട്ട നിർമാണത്തിലും ഉരുത്തിരിയുന്നത്. ആകർഷ കമായ ആകൃതിയിൽ ജലാശയങ്ങൾ, പുൽത്തകിടികൾ, അകത്തളപ്പച്ചപ്പുകൾ... അങ്ങനെയങ്ങനെയെന്തെല്ലാം. ഇത്തരം ചില പുത്തൻ ആശയങ്ങളും അവ നടപ്പാക്കിയവരെയും പരിചയപ്പെടാം.

ധ്യാനോദ്യാനം (മെഡിറ്റേഷൻ ഗാർഡൻ)

പൂന്തോട്ടം ഉല്ലസിക്കാനും കണ്ടാസ്വദിക്കാനും മാത്രമല്ല, മനസ്സ് ശാന്തമാക്കാനും ധ്യാനിക്കാനുമുള്ള ഇടം കൂടിയായാലോ? മറ്റു ശല്യമൊന്നുമില്ലാതെ മരത്തണലിന്റെ കുളിർമയിൽ മനസ്സിനെ ഏകാഗ്രമാക്കി വിശ്രമിക്കാനുതകുന്ന മെഡിറ്റേഷൻ ഗാർഡൻ. ഇരിപ്പിടങ്ങളും അടുത്തൊരു നീരുറവയുമുള്ള, ഇളംകാറ്റു വീശുന്ന ഇടം. ഇവിടെയിരുന്നു ധ്യാനിക്കാം, എഴുതാം, വായിക്കാം. പുത്തനാശയങ്ങൾ ചിന്തിച്ചെടുക്കാം.