മണ്ണിന്റെ താളം കൃഷിയുടെ മേളം

ഉത്സവ സീസൺ കോവിഡ് കൊണ്ടുപോയതോടെ കൃഷിയിലിറങ്ങിയ ഒറ്റപ്പാലത്തെ വാദ്യകലാകാരന്മാർ

- ജെ. ജോസഫ്

വാദ്യകലാകാരന്മാർ ഏറെയുണ്ടു പാലക്കാട് ജില്ലയിൽ, വിശേഷിച്ചും ഒറ്റപ്പാലം, ചേർപ്പുളശ്ശേരി മേഖലകളിൽ. കലയ്ക്കൊപ്പം മറ്റു വരുമാനമാർഗമുള്ളവർ പക്ഷേ അവരിൽ നന്നേ കുറവ്. അതുകൊണ്ടുതന്നെ കോവിഡ് കാലം അവരുടെ ജീവിതത്തിൽ സൃഷ്ടിച്ച ആഘാതം ചെറുതായിരുന്നില്ല. കൊട്ടില്ലാതായതോടെ ജീവിതം വഴിമുട്ടിയ സ്ഥിതി.