సారలమ్మ ఆగమనం మురిసిన మేడారం

• లక్షలాదిగా తరలిన భక్త జనం.. • భారీగా ఏర్పాట్లు చేసిన ప్రభుత్వం.. • ఆసియా ఖండంలోనే అతిపెద్ద జాతర..

- 

• గద్దెపై కొలువుదీరిన సారలమ్మ..

• హనుమంతుని అండతో గద్దెపైకి

• గంటన్నర పాటు రహస్య పూజలు

• మహాజాతరలో తొలిఘట్టం ఆవిష్కృతం

• నేడు మేడారం రానున్న సమ్మక్క.

లక్షలాది మంది భక్తులు తరలివచ్చారు.. జాతరలో కీలక ఘట్టం సాక్షాత్కరించింది. కన్నెపల్లిలో ఆదివాసి సంప్రదాయాల నడుమ మేడారం వైపు సారలమ్మ తరలివచ్చారు.. ఆలయంలో ఆదివాసి పూజారులు రహస్య పూజలు నిర్వహించారు.. తరతరాలుగా వస్తున్న గిరిజన ఆచారాలకు అనుగుణంగా ప్రత్యేకంగా పూజలు జరిగాయి.. కాగా సారలమ్మ బయలుదేవి వస్తున్న అపురూప ఘట్టాన్ని దర్శించేందుకు భక్తులు పెద్ద సంఖ్యలో తరలివస్తున్నారు. గద్దెపై ఆసీనులైన సారలమ్మ భక్తుల కొంగుబంగారమై కరుణా కటాక్షాలు కురిపించింది..

ములుగు జిల్లాప్రతినిది/ మేడారం మేడారం జనవరి 28 (ఆదాబ్ హైదరాబాద్): ఆసియా ఖండంలోనే అతిపెద్ద గిరిజన జాతరగా, తెలంగాణ కుంభమేళాగా పేరుగాంచిన మేడారం సమ్మక్క సారలమ్మ మహా జాతర మొదలయ్యింది. సాయంత్రం కన్నెపల్లి నుంచి సారలమ్మ అమ్మవారు మేడారం గద్దెపైకి కొలువుదీరారు.. కన్నెపల్లిలోని సారలమ్మ మందిరంలో కోయ పూజారులు ప్రత్యేక పూజలు నిర్వహించి, అనంతరం భారీ భద్రత మధ్య సారలమ్మ గద్దెకు తీసుకునివచ్చారు.

గంటన్నర పాటు రహస్య పూజలు

ప్రధాన పూజారీ సారయ్య తన ఇంటి నుండి బయలుదేరుతున్న సమయంలో భక్తులు ఎదుర్కొని అమ్మవారి దీవెనల కోసం సాష్టాంగ నమస్కారం చేసి ఎదురుగా నిలబడ్డారు. ఈ సందర్భంలో ప్రధాన పూజారిని తాకకుండా పోలీసులు, అభ్యుదయ సంఘ సభ్యులు పర్యవేక్షించారు. నాలుగు గంటల సమయంలో ఆలయంలో చేరుకున్న సారయ్య దాదాపు గంటన్నర పాటు రహస్య పూజలు నిర్వహించిన అనంతరం కట్టుదిట్టమైన ఏర్పాట్ల మధ్య తన సోదరుడు జంపన్న ను ముద్దాడి గద్దెపైకి చేరుకోరున్నారు. తొలి ఘట్టం బుధవారం రాత్రి ముగుస్తుండడంతో తదుపరి ఘట్టం మహాదేవత అయిన సమ్మక్కను గురువారం సాయంకాలం గద్దెపై చేర్చనున్నారు. దీంతో పూర్తి స్థాయిలో వనదేవతలు గద్దెలపై ప్రతిష్టించిన అనంతరం నిండు పండుగ జరగనున్నది.

హనుమంతుని రక్షా కవచం నీడలో..