ఆదివాసీ వీర వనితలు సమ్మక్క సారలమ్మ..-

వీర వనితలకిచ్చే నాటి నివాళి మేడారం జాతర

- 

ములుగు, జనవరి 28 ( ఆదాబ్ హైదరాబాద్ : నేటి బీసీ బిడ్డలకు సామాజిక న్యాయ పోరాట స్ఫూర్తినందించే.. నాటి ఆదివాసీ వీర వనితలు సమ్మక్క- సారలమ్మ" అసలు చరిత్ర తెలుసుకుందాం..

“సమ్మక్క-సారలమ్మలు” దేవతలు కాదు! అణచబడిన వర్గాల ఆత్మాభిమాన పోరాటంలో అమరత్వం పొందిన ఆదివాసీ వీరవనితలు!! తెలంగాణ రాష్ట్ర పండుగ సమ్మక్క జాతర బుధవారం నుండి ప్రారంభం అయింది. పోరాట స్ఫూర్తిని అందించే సమ్మక్క- సారలమ్మల వాస్తవ చరిత్ర నేటి కాలపు అణచబడ్డ వెనుకబడిన ప్రజలు తెలుసుకోవాల్సిన అవసరం ఎంతైన ఉన్నది. అసలు సమ్మక్క - సారలమ్మలు పురాణ పాత్రలు కానే కాదు. 13 వ శతాబ్దంలో.. నాటి కాకతీయ సామ్రాజ్యంలో.. నీలాగ, నాలాగ.. రక్తమాంసాలతో ఈ నేలమీద నడయాడిన ఆదివాసీ గిరిజన బిడ్డలు... అతి సామాన్య మానవులు వారు. శ్రమజీవుల ధర్మాగ్రహానికి.. మొక్కవోని పోరాటపటిమకు సజీవ సాక్ష్యాలు వారు! నేటి జగిత్యాల జిల్లాలోని 'పొలవాస' ప్రాంతాన్ని నాడు పాలించిన ఆదివాసీ దొర మేడరాజు ఏకైక కుమార్తె సమ్మక్క తన మేనల్లుడైన మేడారం పాలకుడు పగిడిద్ద రాజుకు సమ్మక్కనిచ్చి వివాహము చేసాడు.