ഗാർമെന്റ് രംഗത്ത് വ്യത്യസ്ത വിജയവുമായി യുവ എൻജിനിയർ

സഹദ്. ഏകദേശം അഞ്ചു ലക്ഷം രൂപയുടെ ബിസിനസും 2.5 ലക്ഷം രൂപവരെ അറ്റാദായവും നേടുന്ന സഹദ് കേരളത്തിലെ സ്പോർട്സ് വിപണിയുടെ വളർച്ച നന്നായി ഉപയോഗപ്പെടുത്തുകയാണ്.

- 

ഇലക്ട്രോണിക്സിൽ ബിടെക് കഴിഞ്ഞശേ ഷമാണ് മുഹമ്മദ് സഹദ് ബിസിനസിലേക്ക് ഇറങ്ങുന്നത്. ബിസിനസ് രംഗത്തുതന്നെയുള്ള സഹോദരനായിരുന്നു പ്രചോദനം. പാലക്കാട് ജില്ല യിലെ ഷൊർണൂർ ബൈപാസ് റോഡിൽ മിലാനോ സ്പോർട് വെയർ എന്ന പേരിൽ വിജയകരമായി സംരംഭം നടത്തുകയാണ് സഹദ് ഇപ്പോൾ

എന്താണ് ബിസിനസ്?

സ്പോർട്സ് വസ്ത്രങ്ങളുടെ നിർമാണവും വിപ നയുമാണ് ബിസിനസ്. കേരളത്തിലെ സ്പോർട്സ് വിപണിയുടെ വളർച്ച നന്നായി ഉപയോഗപ്പെടുത്തു കയാണ് സഹദ്. ജേഴ്സി, ലോവർ, ട്രാക്സട്ട്, ടീഷർട്ട്, ടൈറ്റർ, സ്വിമ്മിങ് സ്യൂട്ടുകൾ, മറ്റ് അത്ലറ്റി വെയറുകൾ എന്നിവയെല്ലാം നിർമിക്കുന്നുണ്ട്. ആവശ്യാനുസരണം ഡിസൈനിലും നിറത്തിലും കസ്റ്റമൈസേഷനും ചെയ്തു നൽകും.

എന്തുകൊണ്ട് ഈ സംരംഭം?

എൻജിനീയറിങ്ങിനുശേഷം പാർട്ടൈം ആയി ഏതാനും സ്ഥാപനങ്ങളിൽ ജോലി ചെയ്തിരുന്നു. ജോലിക്കൊത്ത വേതനം കിട്ടുന്നില്ല എന്ന തിരിച്ചറി വും സ്വന്തം ബിസിനസ് തുടങ്ങണം എന്ന ആഗ്രഹ വും അവസരങ്ങൾ തേടാൻ കാരണമായി. ഫ്ലെക്സ് & ക്ലോത്ത് പ്രിന്റിങ് രംഗത്തു പ്രവർത്തിക്കുന്ന സഹോദരന്റെ പിന്തുണയോടെയാണ് ഈ ബിസി നസിലേക്ക് എത്തുന്നത്.

സ്പോർട്സ് വെയറുകൾക്കു നാട്ടിലുള്ള ഡിമാൻഡ് തിരിച്ചറിഞ്ഞാണ് ഈ മേഖല തിരഞ്ഞെടുത്തത്. ഒപ്പം വായ്പയും മറ്റു സൗകര്യങ്ങളും കൂടി ഒത്തുവന്നു. മാത്രമല്ല, കുറഞ്ഞ തുകയ്ക്ക് തുടങ്ങാവുന്ന ബിസിനസ് എന്നതും മെച്ചപ്പെട്ട ലാഭവിഹിതം നേടാനുള്ള സാധ്യതയും ആകർഷിച്ചെന്ന് സഹദ് പറയുന്നു.