ബുദ്ധിക്കും ഓർമയ്ക്കും ബ്രഹ്മി വിഭവങ്ങൾ

ഔഷധച്ചെടികളിൽനിന്നു തയാറാക്കാവുന്ന ആരോഗ്യക്കൂട്ടുകൾ പരിചയപ്പെടുത്തുന്ന പംക്തി

- ഡോ. കെ.എസ്. രജിതൻ സുപ്രണ്ട്, ഔഷധി പഞ്ചകർമ ആശുപ്രതി ആൻഡ് റിസർച് ഇൻസ്റ്റിറ്റ്യൂട്ട്, തൃശൂർ-22, 9447252678 Email: rajithanks@gmail.​com

ബുദ്ധിയും ഓർമയുമായി ബന്ധപ്പെട്ട സസ്യങ്ങളിൽ ആദ്യമെത്തുന്നത് ബ്രഹ്മിയിരിക്കും. ചതുപ്പുകളിലും ഈർപ്പമുള്ള സ്ഥലങ്ങളിലും നിലം പറ്റി വളരുന്ന ബ്രഹ്മിയുടെ ഇലകളും തണ്ടുകളും മാംസളമാണ്. പൂക്കൾ ഇളം നീലനിറത്തിലോ വെള്ളനിറത്തിലോ കണ്ടുവരുന്നു. സംസ്കൃതത്തിൽ തായന്തി, ശീത കാമിനി എന്നൊക്കെ പേരുകളുണ്ട്. ശാസ്ത്രനാമം Bacopa monnieri. സസ്യകുടുംബ പെന്റാജിനേസിയെ.

ബുദ്ധിശക്തിയും ഓർമശക്തിയും വർധിപ്പിക്കുന്നതിനായി പരമ്പരാഗതമായി ഉപയോഗിച്ചു വരുന്ന നാഡികളെ ഉത്തേജിപ്പിക്കുകയും ഹൃദയത്തിന്റെ സങ്കോചവികാസങ്ങളെ ക്രമപ്പെടുത്തുകയും ചെയ്യും. രക്തം ശുദ്ധീകരിക്കുന്നതിനും മൂത്രം ശരിയായി പോകുന്നതിനും സഹായിക്കുന്നു. വ്രണങ്ങൾ ഉണക്കാനും കഴിവുണ്ട്. ഉന്മാദം, അപസ്മാരം, വാതരോഗങ്ങൾ, മലബന്ധം എന്നിവയ്ക്ക് ആശ്വാസം നൽകും.

ഔഷധപ്രയോഗങ്ങൾ

രോഗപ്രതിരോധശക്തിക്ക്: ബ്രഹ്മിയുടെ ഇലയും തണ്ടും ചേർത്തു ദിവസവും വെള്ളം തിളപ്പിച്ച് കുടിക്കുക.

സ്വരശുദ്ധിക്ക്: ബ്രഹ്മി, വയമ്പ്, മഞ്ഞൾ, ചുക്ക്, കടുക്ക ത്തോട്, ആടലോടകത്തിന്റെ ഇല ഇവ തുല്യമായ അള വിൽ എടുത്ത് കഷായം വച്ച് ദിവസവും മൂന്നു നേരമായി കുടിക്കുക.

സ്ത്രീകളുടെ ആർത്തവം ക്രമമാകുന്നതിന്: ബ്രഹ്മിനീര് ഒരു ടീസ്പൂൺ വീതം എടുത്ത് കൽക്കണ്ടമോ പഞ്ചസാര യോ ചേർത്തു ദിവസവും കഴിക്കുക.

ഉറക്കത്തിനും തല തണുക്കുന്നതിനും: ബ്രഹ്മി സമൂലം ഇടിച്ചുപിഴിഞ്ഞ് നീരെടുത്ത് എണ്ണ കാച്ചി തലയിൽ തേച്ചു കുളിക്കുക.