കുളവാഴ നൽകും വളവും വാതകവും

മികച്ച ഉദ്യോഗം വിട്ട് കൃഷി മാലിന്യസംസ്കരണ രംഗത്തേക്കു തിരിഞ്ഞ അനുരൂപ് ഭക്തൻ

- 

വർഷങ്ങൾക്കു മുൻപ്, ഒൻപതാം ക്ലാസ് വിദ്യാർഥി അനുരൂപ് കൗതുകകരമായ ഒരു പരീക്ഷണത്തിലാണ്. ജൈവാവശിഷ്ടങ്ങളിൽ നിന്നുള്ള മീഥെയ്ൻ ഉൽപാദനത്തെക്കുറിച്ച് ക്ലാസിൽ പഠിച്ചത് സ്വന്തം നിലയ്ക്ക നടപ്പാക്കാനാണു ശ്രമം. കൂട്ടിന് സഹോദരിയുമുണ്ട്. കായലിൽ നിന്നു വാരിയെടുത്ത കുളവാഴയും ചാണകവും കുപ്പിയിലടച്ചുവച്ച് തുടർന്ന പരീക്ഷണം പക്ഷേ, അവസാന ഘട്ടത്തിൽ പാളി. കുപ്പി തകർന്ന് ചിതറിത്തെറിച്ച ചാണകത്തിൽക്കുളിച്ചു ഇരുവരും. ഇന്ന്, വർഷങ്ങൾക്കു ശേഷം അതേ പരീക്ഷണം വിജയകരമായി നടത്തി ഒട്ടേറെ കുടും ബങ്ങൾക്കു വളവും വാതകവും വരുമാനവും ഉറപ്പാക്കുകയാണ് ആലപ്പുഴ ജില്ലയിൽ തണ്ണീർമുക്കത്തുള്ള അനുരൂപ് ഗോപാലകൃഷ്ണ ഭക്തൻ.