தவிர்க்க இயலாத வீச்சு!

அந்திமழையின் சிறப்புப்பக்கங்களில் இடம்பெறும் தலைப்புகளுக்காக கடும் விவாதங்கள் நடப்பதுண்டு.

- என். அசோகன்

அதேசமயம் தேர்வான ஒரு தலைப்பை செய்வதற்கு பெரும் தயக்கம் ஏற்பட்ட ஒன்று உண் டென்றால் அது இந்த இதழில் நாங்கள் எடுத்துக்கொண்டிருக்கும் யூடியூப் அரசியல் விமர்சகர்கள் என்கிற தலைப்புதான்.

டிஜிட்டல் தொழில்நுட்பம் அறிமுகமாகி தொலைக்காட்சி களில் இருந்து கையடக்க மொபைலுக்கு காட்சி கள் வந்தபின்னர் உருவான குழந்தையே யூடியூப். காந்தியார் காலத்துக்கு முன்பிருந்த பெரும் கூட்டத் துக்கு முன்னால் பிரசங்கங்கள், சொற்பொழிவுகள் என நகர்ந்து இன்று அரசியல் உரையாடல் இணைய வெளியின் காட்சி ஊடகத்தில் நிலைகொண்டு விட்டது. தொலைக்காட்சியில் தோன்றி அரசியல் விமர்சனங்களை ஊடகத்தவர்கள் மேற்கொண்டதைப் பார்த்து வளர்ந்த நம் கண்முன்னால், யூடியூபர்கள்

என்றொரு புது வகைமை தோன்றி அரசியலை தங்கள் விருப்பப்படி அக்குவேறு ஆணிவேறாக அலசுகிறார்கள்.

வழமையான ஊடக நிறுவனங்களில் பணிபுரிந்தவர்களும் அங்கே வேலை போனபிறகு அல்லது வேலையை விட்ட பின்னர் யூடியூப் சானல் ஆரம்பித்து அரசியல் விமர்சன சேவையைத் தொடர்கின்றனர் என்பது ஒருபுறம். நன்கு அரசியல் பேசத் தெரிந்தவர்கள் எந்த நிறுவனத்தின் கையையும் எதிர்பாராமல் சொந்தக் காலில் நிற்க யூடியூப் உதவி செய்துள்ளது. 2022 இல் இந்தியாவின் உள்நாட்டு மொத்த உற்பத் தியில் யூடியூப் நிகழ்ச்சிகளின் பங்களிப்பு மட்டும் 16000 கோடி. கிட்டத்தட்ட ஏழரை லட்சம் பேருக்கு முழுநேர வேலைவாய்ப்பு இதனால் கிடைக்கிறது என்கிறது ஒரு புள்ளிவிவரம். இதில் தமிழகத்தில் சினிமா, அரசியல் துறைகளைச் சேர்ந்த யூடியூபர்கள் அதிகம் சம்பாதிப்பதாகவும் அத்துடன் இவ்விரண்டு துறை சேர்ந்த கிசுகிசுக்கள் யூகங்கள் தொடர்பாகப் பேசி னால் வருமானம் அதிகம் என்றும் சொல்லப்படுகிறது. ஆகவே இத்துறை பற்றிப் பேசுவதிலிருந்த நம் தயக்கம் உடைந்தது.