മാതൃഭാഷാദിനം

നമുക്കും മാതൃഭാഷയിലൂടെ പഠിക്കാം. വിഷയങ്ങൾ ആസ്വദിക്കാം. അനുഭവിക്കാം.

- കെ. മനോഹരൻ

കൂട്ടുകാരേ, തെന്നാലിരാമനെ കുറിച്ചുള്ള ഒരു കഥ പറയാം. രാജാ വിന്റെ കൊട്ടാരത്തിൽ മറ്റൊരു രാജ്യക്കാരനായ ഒരു പണ്ഡിതൻ വന്നു. അദ്ദേഹത്തിന് നാല്പതോളം ഭാഷകൾ നന്നായി സംസാരിക്കാനറിയാം. പണ്ഡിതൻ വെല്ലുവിളിച്ചു; “എന്നോട് സംസാരിച്ച് എന്റെ മാതൃഭാഷ ഏതാണെന്ന് ഈ രാജ്യത്ത് ആർക്കെങ്കിലും കണ്ടുപിടിക്കാനാവുമോ?” രാജാവ് വെല്ലുവിളി സ്വീകരിച്ചു. ആ രാജ്യത്തെ പണ്ഡിതന്മാർ വന്ന് വിദേശ പണ്ഡിതനോട് സംസാരിച്ചു. വിദേശ പണ്ഡിതൻ എല്ലാ ഭാഷയിലും നല്ല ഒഴുക്കോടെ സംസാരിച്ചു. സംസാരിക്കാൻ പോയവരെല്ലാം തോറ്റു മടങ്ങി. തെന്നാലിരാമൻ മുന്നോട്ടുവന്ന് രാജാവിനോട്  പറഞ്ഞു: “എനിക്ക് എന്തും ചെയ്യാനുള്ള അവകാശം തന്നാൽ ഞാൻ പണ്ഡിതന്റെ മാതൃഭാഷ കണ്ടെത്താം.” രാജാവ് ഉത്സാഹത്തോടെ രാമനോട് പറഞ്ഞു; “എന്ത് ചെയ്താലും വേണ്ടില്ല, പണ്ഡിതന്റെ മാതൃഭാഷ കണ്ടെത്തൂ. പണ്ഡിതൻ അറിയാതെ രാമൻ