ഭാര്യയല്ല, കാമുകിയാണ്.

അയാൾ പറഞ്ഞു: “കാറിന്റെ രണ്ടു ഹെഡ് ലൈറ്റുകൾ പോലെയാണ് ഇപ്പോൾ എനി ക്ക് മാലതിയും ചേതനയും. ഒരു ഹെഡ് ലൈറ്റ് മാത്രമായിട്ട് കാറോടിക്കാനാവില്ല. ഇവർ രണ്ടുപേരുമില്ലാതെ എനിക്കിനി ജീവിക്കാനും കഴിയില്ല.

- വിനോദ് നായർ

ഊബർ ഡ്രൈവർ മലയാളിയായിരുന്നു എന്ന് അയാളുടെ ഭാര്യയുടെ ഫോൺ വന്നപ്പോഴാണ് എനിക്കു മനസ്സിലായത്. അത് വരെ ഹിന്ദിയിൽ മാത്രമാണ് അയാൾ സംസാരിച്ചിരുന്നത്.

ഹൈദരാബാദിലെ ബീഗംപേട്ടിൽ നിന്ന് ഹൈടെക് സിറ്റിയിലേക്കും പോകുകയായിരുന്നു രാവിലെ റോഡിൽ നല്ല തിരക്കുണ്ട്. കുട്ടികൾ പാമ്പും കോണി കളിക്കുന്നതു പോലെ ആളുകൾ തലങ്ങും വിലങ്ങും വണ്ടി ഓടിച്ചു കൊണ്ടിരുന്നു.

"ഹൈദരാബാദ് സിറ്റി മേം സബ് ആദ്മിയോം ഡ്രൈവിങ് മോ ട്രാഫിക് വയലേറ്റ് കർത്താ ഹും? ക്യോം പൊലീസ് നഹീം പകട്താ?' ഇവിടെ എല്ലാവരും ഇതുപോലെ ട്രാഫിക് നിയമങ്ങൾ ലംഘിച്ചാണോ വണ്ടി ഓടിക്കുന്നത്, എന്തുകൊ ണ്ടാണ് പൊലീസ് പിടിക്കാത്തത് എന്നൊക്കെ ഞാൻ "ഖഡി ബോലി ഹിന്ദി'യിൽ പറഞ്ഞൊപ്പിച്ചു.

അതേ സാബ്, നിങ്ങൾ ഡ്രൈവിങ് സീറ്റിൽ ഇരുന്നാലും ഇവിടെ ഇരി നെയേ വണ്ടി ഓടിക്കൂ എന്നായിരുന്നു ഹിന്ദിയിൽ അയാളുടെ മറുപടി. അപ്പോഴേക്കും ഡ്രൈവറുടെ ഫോൺ തുടർച്ചയായി അടിച്ചു തുടങ്ങി. ഓരോ തവണയും അയാൾ കട്ട് ചെയ്തെങ്കിലും വീണ്ടും വീണ്ടും കോൾ വന്നു കൊണ്ടിരുന്നു. ഒടുവിൽ വല്ലാത്ത ഈർഷ്യയോടെ ഫോണടുത്തിട്ട് “ഞാൻ ഡ്രൈവിങ്ങിലാണ്, കുറച്ചു കഴിഞ്ഞു വിളിക്കാം” എന്നു പറഞ്ഞു കട്ട് ചെയ്തെങ്കിലും വിളിച്ചയാൾക്ക് തൃപ്തി വന്നില്ല. വീണ്ടും കോൾ.

അയാൾ ഫോൺ സ്പീക്കറിലിട്ടിട്ടു പറഞ്ഞു: “എന്റെ കൂടെ വണ്ടിയിൽ നാട്ടിൽ നിന്നു വന്ന ഒരു സാബ് ഉണ്ട്. അദ്ദേഹം കേൾക്കും. നാണക്കേടാണ്