WORLD CLASS

ലോകനിലവാരത്തിലൊരു ഇന്ത്യൻ നിർമിത ഇലക്ട്രിക് സ്കൂട്ടർ

- Noble

ടിവിഎസ്സോ? അതു തമിഴ്നാട്ടിലൊക്കെ കാണുന്ന മോപ്പഡ് ഉണ്ടാക്കുന്ന കമ്പനിയല്ലേ എന്നു പറഞ്ഞു പുച്ഛിച്ചിരുന്നവരെ മൂക്കത്തു വിരൽ വയ്പിച്ച് ഹമ്പടാ കേമാ' എന്നു പറയിപ്പിക്കുന്ന അഡാർ ഐറ്റങ്ങളാണ് ടിവിഎസ് ഇപ്പോൾ പുറത്തിറക്കുന്നത്. ലോകത്തിലെ ഏതു വമ്പനോടും ഏറ്റുമുട്ടാനുള്ള കെൽപ് ഇന്ന് ടിവിഎസ്സിനുണ്ട്. അതു വെളിപ്പെടുത്തുന്നതാണ് വിപണിയിലെത്തുന്ന ഓരോ മോഡലും.

2018 ഓട്ടോ എക്സ്പോയിൽ ടിവിഎസിന്റെ പവലിയനിൽ എത്തി യവരെയെല്ലാം അമ്പരപ്പിച്ച കോൺ സെപ്റ്റ് മോഡലായിരുന്നു ക്രിയോൺ ഇലക്ട്രിക് സ്കൂട്ടറിന്റേത്. ഇതു വെറും കോൺസെപ്റ്റല്ലേ, ഇത്തരത്തിൽ ഒരു പ്രൊഡക്ഷൻ മോഡൽ ടിവിഎസ് എങ്ങനെ നിരത്തിലിറക്കും എന്ന കമന്റുകൾ അന്നു കേട്ടിരുന്നു. അഞ്ചു വർഷങ്ങൾക്കുശേഷം എക്സ് എന്ന പേരിൽ കോൺസെപ്റ്റ് മോഡലിനെക്കാൾ കൂടുതൽ മനോഹരമായി ടിവിഎസ് നിരത്തിലിറക്കുമ്പോൾ, “അമ്പടാ കേമാ' എന്നു പറയാതിരിക്കുന്നതെങ്ങനെ! ഹൊ സൂരിലെ പ്ലാന്റിൽ നടന്ന മീഡിയ റൈഡിൽ എക്സിനോടൊപ്പം വളരെ കുറച്ചു സമയം ചെലവഴിച്ചതിന്റെ വിശേഷങ്ങൾ പറയാം.

ഡിസൈൻ