കുതിച്ചുപായാൻ ഹൈഡ്രജൻ ട്രെയിൻ

രാജ്യത്തെ ആദ്യ ഹൈഡ്രജൻ ട്രെയിൻ ഈ വർഷം ഓടിത്തുടങ്ങും.

- നാരായണൻകുട്ടി

നരേന്ദ്രമോദി സർക്കാരിന്റെ സ്വപ്നപദ്ധതിയായ ഹൈഡ്രജൻ ട്രെയിൻ അണിയറയിൽ ഒരുങ്ങുകയാണ്. റെയിൽ മന്ത്രാലയത്തിന്റെ കണക്കുകൂട്ടൽ ഫല പ്രാപ്തിയിൽ എത്തുകയാണെങ്കിൽ ഈ വർഷം അവസാനിക്കുന്നതിനു മുൻപുതന്നെ രാജ്യത്തെ ആദ്യത്തെ ഹൈഡ്രജൻ ട്രെയിൻ ഓടിത്തുടങ്ങും. എന്താണ് ഹൈഡ്രജൻ ട്രെയിനിന്റെ നേട്ടം? നിലവിൽ ഏതെല്ലാം രാജ്യങ്ങൾ ഈ നേട്ടം കൈവരിച്ചിട്ടുണ്ട്? വിശദമായറിയാം.

വരവ് ഈ വർഷം

ഇന്ത്യൻ റെയിൽവേയുടെ പ്രഗല്ഭരായ ഒരു പറ്റം ഉദ്യോഗസ്ഥരാണ് ഹൈഡ്രജൻ ട്രെയിൻ എന്ന ആധുനിക ആശയത്തിന് ഒപ്പം സഞ്ചരിക്കുന്നത്. അവരുടെ നീക്കങ്ങൾ ഏതാണ്ട് ഫലപ്രാപ്തിയിലെത്തുന്നു എന്നാണ് റെയിൽ മന്ത്രാലയത്തിൽ നിന്നുള്ള സൂചനകൾ. ഈ വർഷത്തെ ബജറ്റിൽ തന്നെ ഹൈഡ്രജൻ ട്രെയിനുകൾ പ്രഖ്യാപിക്കാനൊരുങ്ങുകയാണ് രാജ്യം. 20 പുതിയ ഹൈഡ്രജൻ ട്രെയിനുകൾ ഓടിക്കുന്നതിന് തയാറെടുക്കാൻ മന്ത്രാലയം റെയിൽവേ അധികാരികൾക്ക് നിർദേശം നൽകിയിട്ടുണ്ട്. പ്രധാനമന്ത്രിയുടെ സ്വാതന്ത്ര്യദിന പ്രഖ്യാപനത്തിൽ ഹൈഡ്രജൻ ട്രെയിൻ എന്ന വലിയ സ്വപ്നം ഉൾക്കൊള്ളിക്കാനായിരുന്നു നേരത്തേയുള്ള നിർദേശമെങ്കിലും 2024ലെ ലോക്സഭാ തിരഞ്ഞെടുപിനു മുൻപുള്ള അവസാനത്തെ പൂർണ ബജറ്റിൽ തന്നെ ഇത് പ്രഖ്യ പിക്കണം എന്നാണ് ഇപ്പോഴത്തെ തീരുമാനം. മേക്ക് ഇൻ ഇന്ത്യ പദ്ധതിയിൽ ഉൾപ്പെടുത്തിയായിരിക്കും ട്രെയിൻ നിർമാണം. ഈ വർഷം ഡിസംബറിൽ തന്നെ ആദ്യത്തെ ഹൈഡ്രജൻ ട്രെയിൻ ഓടിക്കാനും ഉദ്ദേശ്യമുണ്ട്. ഹരിയാനയിലെ സോണിപ്പട്ടിൽ നിന്നും ജിൻഡിലേക്കായിരിക്കും 89 കിലോമീറ്റർ ദൈർഘ്യമുള്ള ആദ്യ സർവീസ്. പൈതൃക റൂട്ടുകളിലാണ് ആദ്യപടിയായി ട്രെയിൻ അവതരിപ്പിക്കുക. വൈദ്യുതീകരണം നടക്കാത്ത റൂട്ടുകൾക്ക് മുൻഗണന നൽകും.

 എന്താണ് ഹൈഡ്രജൻ ട്രെയിൻ?