ഭാഗ്യക്കുറിയിലൂടെ സമ്പൽസമൃദ്ധിയിലേക്ക്

ചില്ലറ മാറാൻ പോയി ലോട്ടറി എടുത്ത് കോടീശ്വരന്മാരായവർ മുതൽ ഒരു ദിവസം ഭാഗ്യ ദേവത കടാക്ഷിക്കും എന്ന വിശ്വാസത്തിൽ വർഷങ്ങളായി ലോട്ടറി എടുക്കുന്നവർ വരെ നീളുന്ന ഭാഗ്യാന്വേഷികളായ ജനകോടികൾ ഒരു വശത്ത്. ഉപജീവനത്തിന് ഒരു മാർഗവുമില്ലാതെ ലോട്ടറി വിൽക്കുന്ന അവശവിഭാഗം മുതൽ വൻകിട ഏജൻസികളിൽ തൊഴിലെടുക്കുന്നവരും ലോട്ടറി ബിസിനസിലൂടെ കോടീശ്വരൻമാരായവരും അടക്കം ഭാഗ്യം വിൽക്കുന്ന ലക്ഷങ്ങൾ മറുവശത്ത്. ഇതിനിടയിൽ ലോട്ടറി വഴി സർക്കാർ ഖജനാവിലേക്ക് ഒഴുകിയെത്തുന്ന കോടികളുടെ വരുമാനവും ലാഭവും ഉപയോഗപ്പെടുത്തി സംസ്ഥാനത്തു നടത്തുന്ന ജനക്ഷേമ വികസനപ്രവർത്തനങ്ങൾ. കേരളത്തിന്റെ സാമ്പത്തികരംഗത്ത് കേരളാ ഭാഗ്യക്കുറിയുടെ പ്രാധാന്യവും പ്രസക്തിയും പറഞ്ഞറിയിക്കാൻ പറ്റാത്തത വലുതാണ്. സംസ്ഥാന ലോട്ടറിയുമായി ഏതെങ്കിലും തരത്തിൽ ബന്ധപ്പെടാത്തവർ ഈ നാട്ടിൽ ചുരുക്കം. ചുതാട്ടമെന്നു പറഞ്ഞ് ലോട്ടറിയെ മാറ്റിനിർത്തുന്നവർ അറിഞ്ഞിരിക്കേണ്ട ചില വസ്തുതകളാണിവിടെ പറയുന്നത്. 1967 ൽ തുടങ്ങി അരനൂറ്റാണ്ടു പിന്നിട്ട്, സംസ്ഥാനത്തിന്റെ വിവിധ മേഖലകളിൽ നിർണായക സ്വാധീനം ഉറപ്പിച്ച കേരള സംസ്ഥാന ഭാഗ്യക്കുറിയെക്കുറിച്ച് ജനങ്ങൾ അറിയേണ്ട കാര്യങ്ങൾ,

- 

കേരളാ ഭാഗ്യക്കുറിയെന്ന ബിസിനസ്

പതിനായിരം കോടി രൂപയ്ക്കടുത്ത് വാർഷിക വിറ്റുവരവ്. രണ്ടു ലക്ഷത്തോളം പേർക്ക് ഉപജീവനമാർഗം. ആദായനികുതി ഇനത്തിൽ കേന്ദ്രസർക്കാരിനു നല്കുന്നത് ആയിരം കോടിയിലധികം രൂപ.