മ്യൂച്വൽ ഫണ്ടുകളെ പേടിക്കണോ?

സമ്പത്തു കാലത്തു നടുന്ന തൈകളാണു നിക്ഷേപങ്ങൾ. വരുമാനം എങ്ങനെ സുരക്ഷിതമായ നിക്ഷേപമാക്കാം എന്നു ചിന്തിക്കുന്നവർക്ക് മാർഗനിർദേശങ്ങൾ നൽകുന്ന പംക്തി...

- നിഖിൽ ഗോപാലകൃഷ്ണൻ സിഇഒ, പെന്റാഡ് സെക്യൂരിറ്റീസ്

മ്യുച്വൽ ഫണ്ട് നിക്ഷേപങ്ങൾ വിപണി അപകട സാധ്യതകൾക്കു വിധേയമാണ്. സ്കീമുമായി ബന്ധപ്പെട്ട എല്ലാ രേഖകളും ശ്രദ്ധാപൂർവം വായിക്കു ക. ' ഈ വാചകം കണ്ടിട്ടും കേട്ടിട്ടുമില്ലാത്തവർ ചുരുക്കമായിരിക്കും. അതുകൊണ്ടുതന്നെ മ്യൂച്വൽ ഫണ്ട് എന്ന് കേൾക്കുമ്പോഴേ നിക്ഷേപകരുടെ ഉള്ളിൽ പെട്ടെന്നൊരു പേടി കടന്നുകൂടിയേക്കാം. ശരിയാണ് ആവശ്യങ്ങൾ മനസ്സിലാക്കാതെ എടുത്തു ചാടി നിക്ഷേപിച്ചാൽ അബദ്ധം സംഭവിക്കാം.

എന്താണ് മ്യൂച്വൽ ഫണ്ട്?

ഏതൊരു നിക്ഷേപത്തിലും വാങ്ങുന്ന മുതലിനെക്കുറിച്ചു വ്യക്തമായ അറിവുണ്ടായിരിക്കുക എന്നതു പ്രധാനമാണ്. പണം നൽകി നമ്മൾ നടത്തുന്ന നിക്ഷേപങ്ങളാണു ഭൂമി, ചിട്ടി, സ്വർണം തുടങ്ങിയവ. മ്യൂച്വൽ ഫണ്ടുകളിലേക്കു വരുമ്പോൾ ഷെയറുകളെക്കുറിച്ചു ധാരണയുള്ള ഫണ്ട് മാനേജർ നമ്മുടെ ആവശ്യമറിഞ്ഞു കൃത്യമായ നിക്ഷേപങ്ങളിലേക്കു പണമിടുന്നു.