ലഹരിയോടു നോ പറയാം

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

-  രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

രാസലഹരി അടക്കമുള്ള ലഹരി വസ്തുക്കളുടെ ഉപയോഗം സംബന്ധിച്ച നിരവധി വാർത്തകൾ എല്ലാ ദിവസവും പുറത്തു വരുന്നുണ്ട്. അത്തരത്തിൽ എന്തെങ്കിലും പ്രവൃത്തി കണ്ടാൽ അവരറിയാതെ റെക്കോർഡ് ചെയ്യാനുള്ള വഴിയാണ് ഇക്കുറി. ഒപ്പം യുപിഐ പേയ്മെന്റ് നടത്തുമ്പോൾ ലാഭം നേടാനുള്ള ഒരു ട്രിക്കും.

രഹസ്യ ക്യാമറ

ലഹരി ഉപയോഗമോ അതിനു ശേഷമുള്ള അക്രമമോ സംബന്ധിച്ച തെളിവു ശേഖരിക്കാനായി രഹസ്യമായി റെക്കോർഡ് ചെയ്യാനുള്ള സംവിധാനമാണു ഫോണിൽ വേണ്ടത്. ഇതിനായി പ്ലേ സ്റ്റോറിൽ നിന്ന് BVR (Background Video Recorder) എന്ന ആപ്ലിക്കേഷൻ ഇൻസ്റ്റാൾ ചെയ്യുക.

ഇനി ക്യാമറ, ഓഡിയോ, നോട്ടിഫിക്കേഷൻ, ബാറ്ററി ഒപ്റ്റിമൈസേഷൻ (Camera, Audio, Notification, Battery Optimisation) പെർമിഷനുകൾ അലോ ചെയ്തു നൽകണം.