Hарру Mahima

ആർഡിഎക്സ്, വാലാട്ടി, ചന്ദ്രമുഖി 2 എന്നീ സിനിമകളിലൂടെ തെന്നിന്ത്യയുടെ മനംകവർന്ന മഹിമ നമ്പ്യാർ

- രൂപാ ദയാബ്ജി

മഹിമ നമ്പ്യാർ സിനിമയിലെത്തിയിട്ടു പതിമൂന്നു വർഷമായി. ഇടയ്ക്കിടെ മാത്രമാണു മലയാളത്തിൽ വന്നതെങ്കിലും അങ്ങു തമിഴിൽ മലയാ ളത്തിന്റെ മഹിമ മിന്നിത്തിളങ്ങി. ആർഡി അം വാലാട്ടിയും ചന്ദ്രമു ഖി 2വുമൊക്കെയായി കൈനിറയെ ഹിറ്റുകളാണു മഹിമയ്ക്കിപ്പോൾ.

സാന്ദ്ര തോമസ് നിർമ്മിച്ചു ഷെയ്ൻ നിഗം നായകനാകുന്ന 'ലിറ്റിൽ ഹാർട്സി'ന്റെ ലൊക്കേഷനിൽ നിന്നാണു മഹിമ വനിതയുടെ കവർഷൂട്ടിനെത്തിയത്. ആദ്യകാഴ്ചയിൽ തന്നെ നിറഞ്ഞ ചിരിയും എനർജി നിറഞ്ഞ പെരുമാറ്റവും കൊണ്ട് ആരും മഹിമയുടെ ഫാനാകും. ഈ പോസിറ്റിവിറ്റിയെ കുറിച്ചാണ് ആദ്യം ചോദിച്ചതും. “കാര്യസ്ഥനിൽ ദിലീപേട്ടന്റെ അനിയത്തിയായാണു മലയാളത്തിലെ അരങ്ങേറ്റം. പിന്നീടു തമിഴിൽ 'സാട്ട'യിൽ നായികയായി. പിന്നീടങ്ങോട്ടു നായികയായി തിളങ്ങുന്ന കാലം ഞാൻ സ്വപ്നം കണ്ടു.

പക്ഷേ, ആകെ വന്നത് ഒരേ ഒരു മലയാള സിനിമയിൽ നായികയാകാനുള്ള ഓഫറാണ്. നാലു ദിവസം അഭിനയിച്ചു കഴിഞ്ഞാണു പറഞ്ഞത്, മറ്റൊരു നായികയെ വച്ചു റീഷൂട്ട് ചെയ്യുമെന്ന് ഒഴിവാക്കലിന്റെ ആ വേദന മറക്കാനും അതിജീവിക്കാനും സമയമെടുത്തു. ആ ദിവസങ്ങളാണു സിനിമയിൽ ഉറച്ചു നിൽക്കാൻ കരുത്തു നൽകിയത്. അതോടെ തീരുമാനിച്ചു. ഒന്നുമാലോചിച്ച് ഇനി സങ്കടപ്പെടില്ല. ജീവിതത്തിലും കരിയറിലും ഇപ്പോൾ സൂപ്പർ ഹാപ്പിയാണ്.

ആർഡിഎക്സിലെ മിനി ഹാപ്പി മാത്രമല്ല കരാട്ടെക്കാരിയുമാണല്ലോ ? അതിലേക്കു വിളിക്കുമ്പോൾ തന്നെ പറഞ്ഞിരുന്നു ഒരു സീനിൽ കരാട്ടെ ചെയ്യണമെന്ന് ലൊക്കേഷനിൽ ചെന്ന ദിവസം മുതൽ കാണുന്നതു നായകന്മാരെല്ലാം കഠിനമായി പ്രാക്ടീസ് ചെയ്യുന്നതാണ്. അപ്പോഴും എന്നോട് ഒരു തയാറെടുപ്പും നടത്താൻ ആരും പറഞ്ഞില്ല. അങ്ങനെയിരിക്കെ ആ ദിവസം വന്നെത്തി. മേക്കപ്പൊക്കെ ഇട്ടു റെഡിയായി ചെല്ലുമ്പോഴാണ് സീൻ കാണിച്ചു തന്നത്, ഞെട്ടിപ്പോയി. കുറച്ചു കഷ്ടപ്പെട്ടാണ് ഓക്കെ ആക്കിയതെങ്കിലും തിയറ്ററി ൽ ആ സീനിനു വലിയ കയ്യടി കിട്ടി.