35 ஆண்டுகளாக டிஜிட்டல் இலங்கையை கட்டியெழுப்பிய பயணம், இப்போது FOUNDATION.LK-க்கு வழிவகுக்கிறது.

இவ்வருடம் .LK டொமைன் ரெஜிஸ்ட்ரி (LK DOMAIN REGISTRY) 35 ஆண்டுகளை எட்டியுள்ளது. TechCERT கடந்த 20 ஆண்டுகளாக இலங்கையின் டிஜிட்டல் பாதுகாப்பை உறுதி செய்து வருவதோடு இவ்வருடம் Foundation.LK ஆரம்பிக்கப்பட்டதன் மூலம் மற்றொரு குறிப்பிடத்தக்க மைல் கல்லை அடைகிறது.

- 

ஒரு இலாப நோக்கற்ற செயற்திட்டமான FOUNDATION.LK இலங்கையர்களுக்கு இணையவெளியில் பாதுகாப்பாகவும் நம்பிக்கையுடனும் உலாவ தேவையான அறிவு, திறன்கள் மற்றும் வளங்களை வழங்குவதற்கு அர்ப்பணிக்கப்பட்டுள்ளதோடு பொறுப்பான டிஜிட்டல் குடியுரிமையை ஊக்குவித்து, பரிணாமம் அடையும் டிஜிட்டல் தளத்தில் வாய்ப்புகளை அறிமுகப்படுத்துவதற்கும் உறுதுணையாக உள்ளது.

2009 ஆம் ஆண்டு முதல், LK டொமைன் ரெஜிஸ்ட்ரி (LK DOMAIN REGISTRY), அதன் சமூக மேம்பாட்டு செயற்திட்டங்கள் மூலம், இலங்கை முழுவதும் 45,000 இற்கும் மேற்பட்ட மாணவர்கள், ஆசிரியர்கள் மற்றும் அதிபர்களுக்கு நவீன தகவல் தொழில்நுட்ப அறிவு மற்றும் திறன்களை வழங்கியுள்ளது. இதன் செயல்முறை ரீதியான இலத்திரனியல் கற்றல் தளமான சுஹுருசர (SuhuruSara), வலைத்தள வடிவமைப்பு, நிரலாக்கம் மற்றும் பல்லூடக பாடநெறிகள் மூலம் 10,000 இற்கும் மேற்பட்ட கற்பவர்களுக்கு உள்நாட்டு மொழிகளில் கல்வி மற்றும் தொழில் வாய்ப்புகளை விரிவாக்கி, அவர்களுக்கு ஆற்றல் வழங்கியுள்ளது.