எந்த அறிகுறியும் இன்றி மாரடைப்பு இள வயதினரை தாக்குவது ஏன்?

காரணங்களை விளக்குகிறார் இதயவியல் மருத்துவர்

- 

ஆரோக்கியமாக இருக்கும் ஒருவருக்கு திடீரென மாரடைப்பு ஏற்பட்டு அப்படியே மயங்கி விழுந்து இறப்பதைப் பற்றிய செய்திகள் அவ்வப்போது வருகின்றன. திருமண வீட்டில் மகிழ்ச்சியோடு நடனமாடியவர் மரணம், வாகனம் ஓட்டியபடி சொந்த வீடு திரும்பிக் கொண்டிருந்தவர் சுருண்டு விழுந்து பலி என செய்திகளைப் படிக்கும்போது அதிர்ச்சி ஏற்படுகிறது.

தமிழ்நாட்டில் அண்மையில் திண்டுக்கல் மாவட்டத்தில் ஒரு பேருந்து ஓட்டுநர், வாகனம் ஓட்டும்போதே மாரடைப்பால் உயிரிழந்தார். கண்டக்டரின் துரிதமான செயற்பாட்டால் பேருந்து விபத்து தவிர்க்கப்பட்டது. மற்றொரு சம்பவத்தில், மேற்கு வங்காளத்தில் 20 வயது பொறியியல் மாணவர், கல்லூரி விடுதியில் மயங்கி விழுந்து இறந்தார். அவருக்கு மாரடைப்பு ஏற்பட்டிருக்கலாம் எனக் கூறப்பட்டது.

இதயக் கோளாறு காரணமாக திடீர் மரணங்கள் இளைஞர்களிடையே அதிகமாகி வருவதாக மருத்துவர்கள் எச்சரிக்கின்றார்கள். இந்த மரணங்கள் ஏற்படுவதற்கான காரணங்களாக மாரடைப்பு நோய், மரபியல் காரணி, இதயத்தசை தடிமனாதல் என பலவிதமானவை உள்ளன.

இவற்றில் மிகவும் பரவலாக நடப்பது மாரடைப்பு நோய்தான்.

இவ்வாறான மரணங்கள் அதிகரிப்பதை அடுத்து, கர்நாடகா மாநில அரசு திடீர் மரணங்கள் நடந்தால், அவற்றை அரசுக்குத் தெரிவிக்க வேண்டும். இந்த மரணங்களுக்குச் சரியான காரணத்தைக் கண்டறிய பிரேதப் பரிசோதனை செய்ய வேண்டியதும் கட்டாயமாக்கப்பட்டுள்ளது. கர்நாடகத்தின் இந்தப் புதிய முடிவு இந்தியாவில் இவ்வாறான முதல் முயற்சியாகும்.

மாரடைப்பை எதிர்கொள்கிறார்கள். அதற்குக் காரணமாக உள்ள வாழ்க்கை முறை சார்ந்த நான்கு அம்சங்களைப் பார்க்கலாம் என்கிறார் சென்னையில் உள்ள இதயவியல் மருத்துவரும், பேராசிரியருமான ரெஃபாய் ஷௌகதலி.

தொடர் மன அழுத்தம்

இதய பாதிப்புகளுக்கு மன அழுத்தம் ஒரு முக்கிய காரணியாகக் கூறப்படுகிறது.