கொட்டாஞ்சேனை மாணவி விவகாரம்: கணித பாட ஆசிரியர் குறித்த விசாரணைகள் கொழும்பு வடக்கு சிறுவர், மகளிர் பிரிவிடம்

ஜூன் 23ஆம் திகதி விசாரணை அறிக்கை சமர்ப்பிக்க மேலதிக நீதிவான் உத்தரவு

- எம். எப். எம். பஸீர்

கொட்டாஞ்சேனை கல்பொத்த வீதியில் தொடர்மாடி குடியிருப்பில் மேல் மாடியில் இருந்து குதித்து தற்கொலை செய்துகொண்டதாகக் கூறப்படும் மாணவியை, கடந்த வருடம் பாடசாலையில் வைத்து பாலியல் துஷ்பிரயோகம் செய்ததாக குற்றம் சாட்டப்பட்டுள்ள அப்பாடசாலையின் கணித பாட ஆசிரியராக கடமையாற்றிய, தற்போது கட்டாய விடுமுறையில் உள்ள ஆசிரியர் குறித்த வழக்கு எதிர்வரும் ஜூன் 23 வரை ஒத்திவைக்கப்பட்டுள்ளது.

இந்த சம்பவம் தொடர்பிலான வழக்கு நேற்று (19) கொழும்பு மேலதிக நீதிவான் பசன் அமரசேன முன்னிலையில் விசாரணைக்கு அழைக்கப்பட்டது.

இதன்போது பிணையில் உள்ள ஆசிரியர் மன்றில் ஆஜரானதுடன் அவருக்காக சட்டத்தரணிகளான குணரத்ன வன்னிநாயக்க, சஞ்சய கமகே உள்ளிட்ட குழுவினர் ஆஜராகினர்.