யுத்தம் நடந்தபோது அரசிற்கு துணை நின்ற ஐ.நா. யுத்தம் முடிவடைந்த பின்னர் இனஅழிப்பு செய்தவர்களிடமே பொறுப்புக் கூறலை ஒப்படைத்து வருவது ஏமாற்றமளிக்கிறது

யுத்தம் நடந்தபோது ஸ்ரீலங்கா அரசிற்கு முற்று முழுதாக துணை நின்ற ஐநா யுத்தம் முடிவடைந்த பின்னர் இன அழிப்பு செய்தவர்களிடமே பொறுப்புக்கூறலை ஒப்படைத்துக்கொண்டு வருவது என்பது மிகவும் ஏமாற்றகரமான விடயம் என தமிழ் தேசிய மக்கள் முன்னணியின் முன்னாள் நாடாளுமன்ற உறுப்பினர் செல்வராசா கஜேந்திரன் தெரிவித்துள்ளார்.

- தமிழ் தேசிய மக்கள் முன்னணியின் முன்னாள் எம்.பி. செல்வராசா கஜேந்திரன்

தமிழர்களுக்கு இழைக்கப்பட்ட இன அழிப்பிற்கான தீர்வானது சர்வதேச நீதிப் பெறிமுறைகள் ஊடாகவே வழங்கப்பட முடியும் என்பதை வலியுறுத்தி இன்றைய தினம் செம்மணி புதைகுழிக்கு அண்மித்த பகுதியில் முன்னெடுக்கப்பட்டபோராட்டத்தில் கலந்துகொண்டு உரையாற்றிய அவர் மேலும் தெரிவித்துள்ளதாவது

இலங்கை அரசாங்கம் தொடர்ச்சியான கட்டமைப்பு சார் இன அழிப்பு நடவடிக்கைகளை மேற்கொண்டுவந்து இஇனப்படுகொலைடியும் மேற்கொண்டுவந்து அதன் உச்சகட்டமாக 2009ம் ஆண்டு ஒரு இலட்சத்திற்கும் அதிகமான தமிழ் மக்கள் ஸ்ரீலங்கா ஆயுதப்படைகளினாலே மிகக்கொடுரமான முறையிலே கொன்றொழிக்கப்பட்டுள்ளார்கள். உணவுத் தடை மருந்துதடை போன்றவற்றையும் பயன்படுத்தி அந்த இனப்படுகொலை அரங்கேற்றப்பட்டுள்ளது.