కర్రెగుట్టల్లో వరుసగా పేలిన ఐఈడీలు

ఛత్తీస్గఢ్- తెలంగాణ రాష్ట్ర సరిహద్దులో ఉన్న కర్రెగుట్టల్లో మావోయిస్టులు అమర్చిన ఐఈడీలు పేలిన ఘటనలో 10 మంది భద్రతా సిబ్బంది గాయపడ్డారు.

- 

తెలంగాణ బ్యూరో ప్రతినిధి : ఛత్తీస్గఢ్- తెలంగాణ రాష్ట్ర సరిహద్దులో ఉన్న కర్రెగుట్టల్లో మావోయిస్టులు అమర్చిన ఐఈడీలు పేలిన ఘటనలో 10 మంది భద్రతా సిబ్బంది గాయపడ్డారు. కర్రెగుట్టల్లో మావోయిస్టుల కదలిక, ఐఈడీలు అమర్చినట్లుగా భద్రతా సంస్థలకు విశ్వసనీయ సమాచారం అందడంతో ఆ ప్రాంతంలో కూంబింగ్? చేపట్టారు. ఈ క్రమంలోనే ఆదివారం సాయంత్రం అనేక ఐఈడీలు ఒకదాని తర్వాత ఒకటి పేలాయి. దీంతో భద్రతా సిబ్బంది గాయపడ్డారు.

క్షతగాత్రులు రాయ్పూర్కు తరలింపు : క్షతగాత్రులను ఆర్మీ హెలికాప్టర్?లో రాయ్ పూర్ నకు తరలించారు. వీరిలో 9 మంది డీఆర్? జీ, మరొకరు కోబ్రా బెటాలియన్?కు చెందిన వారు ఉన్నట్లుగా సమాచారం. గాయపడిన భద్రతా సిబ్బందికి ప్రాణాపాయం తప్పినట్లు అధికారులు వివరించారు. ఒక్కసారిగా జరిగిన ఈ ఘటనతో కర్రెగుట్టల్లో హైఅలర్ట్ ప్రకటించి కూంబింగ్? ఆపరేషన్'ను ముమ్మరం చేశారు. గతేడాది ఇదే ప్రాంతంలో 21 రోజుల పాటు దేశంలోనే అతిపెద్ద మావోయిస్టు వ్యతిరేక ఆపరేషన్? నిర్వహించిన విషయం విదితమే.