Hoërskool Pacs vier 50 jaar met vol feesprogram

Met vyf dekades se geskiedenis, gemeenskapsdiens en trots agter die rug, het Hoërskool Pacaltsdorp vanjaar sy 50ste bestaansjaar amptelik ingelui met 'n reeks geleenthede wat die verlede eer, die hede vier en die toekoms omarm.

- Lizette da Silva

Various activities and scenes related to Hoerskool Pacs

(Dane Kleinhans)

Die mylpaaljaar word gekenmerk deur 'n vol feesprogram, hernieude alumnibetrokkenheid en projekte wat daarop gemik is om die skool se nalatenskap in die gemeenskap verder te versterk.

Die vieringe het op 18 Januarie begin met 'n dankseggingsdiens in die Pacaltsdorp Congregational Church, gelei deur eerw. Roderick Hufkie, 'n voormalige skoolhoof. Die skool het almal, ongeag denominasie, genooi om saam dankie te sê vir vyf dekades waarin die instelling 'n betekenisvolle bydrae tot die plaaslike gemeenskap van Pacaltsdorp, asook gemeenskappe verder buite die dorp, gelewer het.