Learners caught off guard in accounting exam paper 1

Matriek rekeningkunde leerders was geskok en ontnugter toe hulle hul Rekeningkunde Vraestel 1 laas Maandag, 27 Oktober, geskryf het, en hulle het sekerlik nie uitgesien na Vraestel 2 wat op Dinsdag 4 November geskryf is nie.

- Michelle Pienaar

Vraestel 1 is deur baie beskryf as veel moeiliker en onverwags anders as in vorige jare, met baie teoretiese vrae in plaas van suiwer rekeningkunde.

Volgens ervare rekeningkunde tutor Elsa Lamprecht, wat meer as 50 jaar ondervinding in die onderwys het, was vanjaar se vraestel anders as enigiets waarvoor die leerders voorberei het. "Ons het deur 'n rekord aantal vorige vraestelle gewerk en gefokus op nuwe en uitdagende vrae van die provinsiale September eksamens," het sy gesê. "Vraag 1 - wat 'n derde van die vraestel uitgemaak het - het die leerders heeltemal onkant betrap. Hulle het 'n inkomstestaat verwag, maar daar was nie een nie. Die berekeninge was lank en moeilik, en baie het nie besef dat die aanpassings gedoen moes word deur syfers van 'n inkomstestaat eerder as 'n proefbalans te gebruik nie. Hierdie verwarring het hulle waardevolle tyd gekos."

Lamprecht het bygevoeg dat baie leerders gesukkel het om die vraestel klaar te maak, veral met die lang ontledingen interpretasie vrae. "My grootste bekommernis is hoe Vraag 1 nagesien gaan word," het sy gesê. "As die leerders alle punte vir 'n verkeerde syfer verloor, sal dit baie onregverdig wees - normaalweg word gedeeltelike krediet vir korrekte metodes toegeken.