காஸா நகரை கைப்பற்ற இஸ்ரேல் முடிவு

காஸாவின் முக்கியப் பகுதியான காஸா நகரை கைப்பற்ற முடிவு செய்துள்ளதாக இஸ்ரேல் வெள்ளிக்கிழமை அறிவித்தது.

- 

ஜெருசலேம், ஆக. 8: இதற்கு பல்வேறு சர்வதேச நாடுகள் கண்டனம் தெரிவித்தன. இதுகுறித்து அசோசியேட்டட் பிரஸ் செய்தி நிறுவனம் தெரிவித்ததாவது:

காஸா சிட்டியை கைப்பற்ற இஸ்ரேல் பாதுகாப்பு அமைச்சரவையின் வியாழக்கிழமை நள்ளிரவு கூட்டத்தில் ஒருமனதாக முடிவு எடுக்கப்பட்டது. இது, ஹமாஸுடனான 22 மாத போரை மேலும் தீவிரப்படுத்தியுள்ளது.

மேலும், இஸ்ரேலில் இருந்து ஹமாஸ் அமைப்பால் பிணைக் கைதிகளாக கடத்திச் செல்லப்பட்டுள்ளவர்களின் நிலை குறித்தும் கவலைகள் எழுந்துள்ளன.

மேலும் ஒரு பெரிய தரைவழித் தாக்குதல் காஸாவில் ஏற்கெனவே நிலவிவரும் பஞ்சம் உள்ளிட்ட நெருக்கடியை மேலும் மோசமாக்கும் என்று எதிர்பார்க்கப்படுகிறது.

இருந்தாலும், இந்த ஆக்கிரமிப்புக்கு எதிராக காஸா மக்கள் உறுதியாக இருப்பார்கள் என்று ஹமாஸ் தெரிவித்தது.