கர்நாடகத்தில் காங்கிரஸ் ஆட்சியில் ஊழல் மலிந்துவிட்டது: ஆளுநர் தலையிட்டு நடவடிக்கை எடுக்க பாஜக வலியுறுத்தல்

கர்நாடகத்தில் காங்கிரஸ் ஆட்சியில் ஊழல் மலிந்துள்ளதால், ஆளுநர் தலையிட்டு உடனடியாக நடவடிக்கை எடுக்க வேண்டும் என பாஜக மாநிலத் தலைவர் விஜயேந்திரா தெரிவித்தார்.

- 

பெங்களூரு, ஜூன் 24:

இதுகுறித்து பெங்களூரில் செவ்வாய்க்கிழமை செய்தியாளர்களிடம் அவர் கூறியதாவது:

அகில இந்திய காங்கிரஸ் கட்சியின் செலவுகளை ஈடுசெய்வதற்காக பணம் சேகரிக்க எல்லா அமைச்சர்கள் மீதும் அழுத்தம் தரப்படுகிறது. இதனால், காங்கிரஸ் ஆட்சியில் எல்லா துறைகளிலும் ஊழல் நிறைந்துள்ளது. கர்நாடக அரசின் காங்கிரஸ் ஆட்சியை அவர்களது கட்சி மேலிடம் ஏடிஎம் இயந்திரம்போல கருதிக்கொண்டுள்ளது. வீட்டுவசதித் துறையில் ஊழல் மலிந்திருப்பதாக காங்கிரஸ் கட்சி எம்எல்ஏ பி.ஆர்.பாட்டீல் பகிரங்கமாக குற்றம்சாட்டியிருக்கிறார். லஞ்சம் கொடுக்காமல், ஊரகப் பகுதிகளில் சாமானிய மக்களால் வீடுகளை பெற முடிவதில்லை என்றும் அவர் கூறியிருக்கிறார்.