தள்ளாட்டம்: சென்செக்ஸ் மூன்றாவது நாளாக சரிவுடன் நிறைவு

பங்குச்சந்தை தொடர்ந்து மூன்றாவது நாளாக வியாழக்கிழமையும் எதிர்மறையாக முடிந்தது. மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் நிறைவடைந்தன.

- நமது நிருபர்

நமது நிருபர் மும்பை / புதுதில்லி, ஜூன் 19:

உலகளாவிய சந்தைக் குறிப்புகள் பலவீனமாக இருந்தன. ஈரான் - இஸ்ரேல் மோதல் காரணமாக புவிசார் அரசியல் நிச்சயமற்ற தன்மைகள் முதலீட்டாளர்களை பதற்றத்துக்கு உள்ளாக்கியுள்ளது. மேலும், வட்டி விகிதங்களை மாற்றாமல் வைத்திருக்க அமெரிக்க ஃபெடரல் ரிசர்வ் எடுத்த முடிவும், உலகளாவிய கச்சா எண்ணெய் விலைகள் உயர்ந்ததும் சந்தை உணர்வை பாதித்தது. ஆட்டோ பங்குகளுக்கு ஓரளவு ஆதரவு கிடைத்தாலும், வங்கிகள், நிதி நிறுவனங்கள், ஐடி, ஃபார்மா உள்ளிட்ட அனைத்துத் துறை பங்குகளும் விற்பனையை எதிர்கொண்டன என்று பங்கு வர்த்தகத் தரகு நிறுவனங்கள் தெரிவித்தன.