பள்ளிவாசலில் 40 ஆண்டுகளாக நோன்புக் கஞ்சி சமைக்கும் லட்சுமி அம்மாள்!

சிவகங்கையில் உள்ள பள்ளிவாசலில் ரமலான் நோன்பு தொடங்கி நிறைவடையும் நாள் வரை தனது உறவினர்களுடன் வந்து தங்கி தினமும் நோன்புக் கஞ்சி சமைத்து வருகிறார் லட்சுமி அம்மாள்.

- 

சிவகங்கை, மார்ச் 30:

சிவகங்கை நகரின் நேரு வீதியில் 100 ஆண்டுகள் பழமையான வாலாஜா நவாப் ஜும்ஆ பள்ளிவாசல் உள்ளது. இந்தப் பள்ளிவாசல் சிவகங்கை மாவட்டத்தில் மிகவும் பழைமை வாய்ந்தது.

இந்தப் பள்ளிவாசலில் ஆண்டுதோறும் ரமலான் மாதத்தில் தினமும் நோன்புக் கஞ்சி சமைக்கப்பட்டு விநியோகம் செய்யப்படுகிறது. இங்கு இஸ்லாமியர்களுக்கு மட்டுமன்றி, நேரு பஜார் பகுதியில் வியாபாரம் செய்யும் வியாபாரிகள், அந்தப் பகுதியில் வசிக்கக்கூடிய பிற மதத்தவர்கள் உள்பட ஆயிரத்துக்கும் மேற்பட்டவர்களுக்கு தினமும் நோன்புக் கஞ்சி விநியோகம் செய்யப்பட்டு வருகிறது.