அலங்காநல்லூர் ஜல்லிக்கட்டு: 48 பேர் காயம்

மதுரை மாவட்டம், அலங்காநல்லூரில் சனிக்கிழமை நடைபெற்ற ஜல்லிக்கட்டு போட்டியில் 48 பேர் காயமடைந்தனர்.

- 

காணும் பொங்கலையொட்டி, அலங்காநல்லூரில் உலகப் புகழ் பெற்ற ஜல்லிக்கட்டு போட்டி சனிக்கிழமை நடைபெற்றது. தமிழக முதல்வர் மு.க. ஸ்டாலின் சிறப்பு அழைப்பாளராகப் பங்கேற்றார்.

முன்னதாக, காலை 7 மணி அளவில் போட்டியின் தொடக்கமாக வீரர்கள் உறுதிமொழி ஏற்கும் நிகழ்ச்சி நடைபெற்றது. இதையடுத்து, வணிக வரி, பதிவுத் துறை அமைச்சர் பி. மூர்த்தி போட்டியைத் தொடங்கிவைத்தார். போட்டியின் தொடக்கமாக, அலங்காநல்லூர் முனியாண்டி கோயில், அரியமலை கெங்கையம்மன் கோயில், வலசை தாய் கிராம கருப்பசாமி கோயில் ஆகிய கோயில்களின் சார்பில் 3 காளைகள் வாடிவாசல் வழியாக அவிழ்க்கப்பட்டன.